Маймунчечак кўпроқ қайси ҳудудларда аниқланмоқда?
ЖССТ касаллик бўйича янги маълумотларни эълон қилди
ЖССТ йил бошидан буён маймунчечакка чалинганлар сони 3413 тага етгани, бир киши касалликдан вафот этганини маълум қилди. Бу ҳақда ташкилот сайтида хабар берилди.
Маълум қилинишича, 1 январидан 22 июнга қадар 50 та давлатда касаллик ҳолатлари аниқланган. ЖССТ 17 июнь куни эълон қилган ҳисоботда хасталик 1310 нафар одамда аниқлангани келтирилган. Лаборатория томонидан тасдиқланган ҳолатларнинг аксарияти Европа минтақасида қайд этилган (аниқланган умумий ҳолатларнинг 86 фоизи – 2933 та).
Касаллик ҳудудлар кесимида қуйидаги кўринишга эга:
- Африка минтақаси (2 фоиз – 73 та ҳолат)
- Америка минтақаси (11 фоиз – 381 та ҳолат)
- Шарқий Ўртаер денгизи минтақаси (бир фоиздан кам – 15 та ҳолат)
- Ғарбий Тинч океани минтақаси (бир фоиздан кам – 11 нафар бемор).
Эслатиб ўтамиз, Нигерияда 2022 йилнинг иккинчи чорагида маймунчечакдан илк ўлим ҳолати қайд этилган. Шунингдек, болалар орасида илк марта маймунчечак Францияда аниқланганди.
