Украина президенти Владимир Зеленский Россияни БМТ Бош ассамблеяси ва Хавфсизлик кенгашидан чиқариб ташлаш кераклигини айтди. Бу ҳақда «УНИАН» хабар берди.

Президент БМТ Хавфсизлик кенгаши йиғилишида бу ҳақда гапирган. У Украинадаги сўнгги воқеалар ва Россия ракеталарининг Украина шаҳарларига берилган зарбаларини эслаган.

«Мен бу террорчилик ҳаракати экани тўғрисида қарор қабул қилинишини таклиф қиламан. Бу ҳужум Россия ҳудудидан бўлган-бўлмагани ҳақиқатан ҳам текширилиши мумкин.

Агар дунёнинг бошқа қисмида қайсидир ташкилот Россиядаги каби ҳаракат қилса, тинч аҳоли ҳалок бўлса, бу, албатта, терроризм деб тан олинади. Бундай ташкилотлар инсоният душманига айланиб, унинг ҳаракатлари жазоланади. Агар давлат буни қилса, у ҳам жазосиз қолиши мумкин эмас.», — деган у.

Зеленский шу сабабли Россия Украинадаги уруш масалаларини муҳокама қилиш ва овоз беришда қатнашиш ҳуқуқига эга эмаслигини айтган.

«Россиянинг Хавфсизлик Кенгашида қолишга ҳаққи йўқ», — деган у ва бу орқали БМТ низоми ўз ҳурматини сақлаб қолишини қайд этган.

Аввалроқ Зеленский Украинанинг бир қисмини Россияга бериш таклифига жавоб қайтарганди. Шунингдек, у Зеленский Россия билан музокарани тиклаш шартини айтган.