Москвада такси ҳайдовчиларининг машинасига огоҳлантирувчи тугмаси бўлган илова ўрнатилмоқда. Бу ҳақда «Sputnik» хабар берди.

Бу орқали ҳайдовчи автомобилда юзага келиши мумкин бўлган нохуш ёки хавфли вазиятда Миллий гвардиядан ёрдам сўраши мумкин. Ҳозирда илова синов босқичида бўлиб, лойиҳа учун 14 та машинага «Help driver» деб номланган огоҳлантирувчи тугмага эга илова ўрнатилган.

Тугма ёқилгандан сўнг таксининг жойлашуви ва йўналиши дарҳол аниқланади, машинадаги видеокамера салондаги вазиятни ёзиб олишни бошлайди. Видео автоматик равишда серверга юкланади, у ерда тасвир олинганидан бошлаб бир неча кун сақланади. Илова кўпинча йўловчилар ҳужуми қурбонига айланган такси ҳайдовчиларининг ҳаёти ва соғлиғини ҳимоя қилишга мўлжалланган.

Аввалроқ Россияда мигрант ҳайдовчиларга оид янги қарор қабул қилинганди. Шунингдек, Ханти-Мансилар мухтор округида патент асосида ишлаётган меҳнат муҳожирлари учун бир қанча фаолият турларини тақиқланганди.