15:24 | 30.06.22 583
Россияда Ўзбекистон фуқароларининг 3 яшар қизи 2-қаватдан тушиб кетди
Қизнинг аҳволи ҳақида маълумот берилди
Санкт-Петербургнинг Невский туманида Ўзбекистон фуқароларининг уч яшар қизи иккинчи қаватдан тушиб кетди. Бу ҳақда «78.ru» хабар берди.
Навбатчи бўлинмага 29 июнь куни Народная кўчасидаги 10-уйнинг иккинчи қаватидан бола тушиб кетгани ҳақида хабар келиб тушган. Аниқланишича, 2018 йилда туғилган қиз онасининг эътиборсизлиги оқибатида деразадан тушиб кетган.
Жабрланувчи ўртача оғирликда шифохонага етказилган. Қизга бош мия ёпиқ жароҳати, мия чайқалиши, турли жойларида кўплаб синишлар ташхиси қўйилган. Ҳозирда текширув ишлари олиб борилмоқда.
Аввалроқ Россияда ўзбекистонлик эркак баландликдан йиқилиб тушганди. Шунингдек, мамлакатда яна бир ўзбекистонлик йигит баландликдан йиқилган.
