Қорақалпоғистонда кўчалар қонга тўлгани ҳақидаги хабар фейк бўлиб чиқди

Қорақалпоғистоннинг Нукус шаҳрида 2 июль кунги намойишларда қатнашганларга қизил рангли сув сепилди. Бу ҳолат ижтимоий тармоқларда қон деб талқин қилинди, аммо кейинчалик хабар фейк экани маълум бўлди.

Фото: Telegram

Ҳуқуқшунос Хушнуд Худойбердиевнинг тушунтиришича, бундай сув сепишдан асосий мақсад қизил ранг теккан тартиббузарларни тезда аниқлаш ва уларни қўлга олиш, агар қуролли намойиш бўлса, уларни қуролсизлантириш учун қилинади. Қизил ранг тезда кўзга ташланади ва аниқлаш осон бўлади.

«Бундан ташқари қизил ғайритабиий ранг, оддий сув сепилганда намойишчилар тарқалмаслиги, худди ёмғир ёққанда ҳўл бўлгандай оддий қабул қилиши мумкин. Аммо рангли сув оммавий тартибсизлик иштирокчиларини тезроқ тарқатиб юборади, камида юз-қўлидаги рангни тозалаш учун ҳам тарқалишади», —деб ёзади блогер.

Нукус кўчалари қонга тўлгани ҳақидаги ёлғон хабарни тарқатган полшалик журналист Агнешка Пикулицка кейинчалик твитни ўчириб, хато маълумот учун узр сўраган.

Бундан ташқари, Нукус шаҳрида намойишчиларга қизил сув сепилиши биринчи ҳолат эмас. Бу жаҳон тажрибасида қўлланиладиган усул. Хусусан, 2020 йил 23 cентябр куни Беларусда бўлиб ўтган митингларда иштирокчиларга рангли сув сепилган.

Адлия вазири маслаҳатчиси, блогер Шаҳноза Соатова намойишда қатнашган бир хил қизил футболка кийганларга эътибор қаратган.

«Нима учун улар қизил футболкада?

Хушнуднинг мана бу тушунтиришидан кейин ўйлаб қолдим: намойишчиларга қизил сув сепилишидан мақсад уларни таниб ажратиб олиш экан, қизил кийимга қизил сув тегса ҳам билинмайдику! Булар шуни билиб қизил футболка кийиб олганми? Аввалдан тайёргарлик бўлганини англатувчи фактларданми бу ҳам?

Заковат саволлари чиқяпти ўзиям! Афсуски, жуда драматик контекстдан», — деб ёзади блогер.

Эслатиб ўтамиз, Қорақалпоғистонда рўйхатдан ўтган Ўзбекистон мобил операторлари абонентлари 2 июль куни тунда Конституциянинг 70−75-моддалари амалдаги таҳрирда қолиши ва ўзгармаслиги ҳақида SMS-хабарнома олганди.

Ўзбекистонда Ҳаж ва Умра зиёратлари нархи арзонлашиши мумкин
Жамият21:33 | 28.9.22
Ўзбекистонда Ҳаж ва Умра зиёратлари нархи арзонлашиши мумкин
Бугун оқшоми. Ҳокимларга танбеҳ берган Умурзоқов, робот томонидан ўтказилган илк жарроҳлик амалиёти, фуқарони калтаклаган ИИБ ходимлари
Жамият21:02 | 28.9.22
Бугун оқшоми. Ҳокимларга танбеҳ берган Умурзоқов, робот томонидан ўтказилган илк жарроҳлик амалиёти, фуқарони калтаклаган ИИБ ходимлари
«Транспорт ва логистикани янги босқичга олиб чиқмасак, иқтисодиётнинг барқарор ривожини таъминлай олмаймиз» — Шавкат Мирзиёев
Жамият20:38 | 28.9.22
«Транспорт ва логистикани янги босқичга олиб чиқмасак, иқтисодиётнинг барқарор ривожини таъминлай олмаймиз» — Шавкат Мирзиёев
Чирчиқ дарёсида балиқлар оммавий нобуд бўлаётгани айтилди
Жамият, Тошкент вил.20:35 | 28.9.22
Чирчиқ дарёсида балиқлар оммавий нобуд бўлаётгани айтилди
Олий суд Фарғонада фуқарони калтаклаган ИИБ ходимлари судда оқлангани юзасидан баёнот берди
Жамият19:58 | 28.9.22
Олий суд Фарғонада фуқарони калтаклаган ИИБ ходимлари судда оқлангани юзасидан баёнот берди
Қамчиқ довонида юк автомобили ёниб кетди
Жамият19:35 | 28.9.22
Қамчиқ довонида юк автомобили ёниб кетди