Ўзбекистон ва Қирғизистон президентлари телефон орқали мулоқот қилди

Қирғизистон президенти Садир Жапаров ва Ўзбекистон президенти Шавкат Мирзиёев 4 июль куни телефон орқали мулоқот қилди. Бу ҳақда Қирғизистон президенти матбуот хизмати хабар берди.

Фото: Ўзбекистон президенти матбуот хизмати

Мулоқотда Қирғизистон-Ўзбекистон дўстлик, яхши қўшничилик ва стратегик шериклик муносабатларини янада мустаҳкамлаш муҳокама қилинган. Жапаров Ўзбекистонда кечаётган воқеаларни катта ташвиш билан қабул қилганини таъкидлаган.

«Ўз вақтида, қатъий ва келишилган ҳаракатлар туфайли Қорақалпоғистонда вазиятнинг нормаллашишини таъминлаш ва унинг янада кескинлашишига йўл қўймасликка эришилди», —деган Жапаров.

Қирғизистон президенти Ўзбекистонда амалга оширилаётган конституциявий ислоҳотлар натижалари барқарорликни таъминлашга мустаҳкам замин яратиши, мамлакатнинг узоқ муддатли стратегиясини амалга оширишнинг ишончли кафолати бўлиб хизмат қилишига ишонч билдирган.

Шунингдек, давлат раҳбарлари 2022 йилнинг 21 июлида бўлиб ўтиши режалаштирилган Марказий Осиё давлатлари раҳбарларининг Маслаҳатлашув учрашувига тайёргарлик кўришни ҳам муҳокама қилган.

Ўзбекистон Президенти матбуот хизматининг маълум қилишича, президент Садир Жапаров Қорақалпоғистондаги вазиятни беқарорлаштиришга уринишларга чек қўйиш мақсадида Ўзбекистон раҳбари томонидан кўрилган қатъий чораларни тўлиқ қўллаб-қувватлаган. Бошқа давлатнинг ички ишларига аралашишга йўл қўйиб бўлмаслиги алоҳида таъкидланган.

Яқин орада муҳим йўналишлардаги келишувларни илгари суришга қаратилган қатор қўшма тадбирларни ўтказишга келишиб олинган.

Томонлар минтақавий транспорт йўлаклари ва энергетика инфратузилмасини ривожлантириш борасидаги йирик инфратузилмавий лойиҳаларни ишлаб чиқишни жадаллаштиришдан манфаатдор эканини таъкидлаган.

Аввалроқ Шавкат Мирзиёев Қозоғистон президенти билан телефон орқали гаплашганди.

Бугун оқшоми. Ҳокимларга танбеҳ берган Умурзоқов, робот томонидан ўтказилган илк жарроҳлик амалиёти, фуқарони калтаклаган ИИБ ходимлари
Жамият21:02 | 28.9.22
Бугун оқшоми. Ҳокимларга танбеҳ берган Умурзоқов, робот томонидан ўтказилган илк жарроҳлик амалиёти, фуқарони калтаклаган ИИБ ходимлари
«Транспорт ва логистикани янги босқичга олиб чиқмасак, иқтисодиётнинг барқарор ривожини таъминлай олмаймиз» — Шавкат Мирзиёев
Жамият20:38 | 28.9.22
«Транспорт ва логистикани янги босқичга олиб чиқмасак, иқтисодиётнинг барқарор ривожини таъминлай олмаймиз» — Шавкат Мирзиёев
Чирчиқ дарёсида балиқлар оммавий нобуд бўлаётгани айтилди
Жамият, Тошкент вил.20:35 | 28.9.22
Чирчиқ дарёсида балиқлар оммавий нобуд бўлаётгани айтилди
Олий суд Фарғонада фуқарони калтаклаган ИИБ ходимлари судда оқлангани юзасидан баёнот берди
Жамият19:58 | 28.9.22
Олий суд Фарғонада фуқарони калтаклаган ИИБ ходимлари судда оқлангани юзасидан баёнот берди
Қамчиқ довонида юк автомобили ёниб кетди
Жамият19:35 | 28.9.22
Қамчиқ довонида юк автомобили ёниб кетди
Тош конларига кўчирилган қабристонлар, 6 млн кишининг суяклари: Париж катакомбалари ҳақида
Жаҳон19:08 | 28.9.22
Тош конларига кўчирилган қабристонлар, 6 млн кишининг суяклари: Париж катакомбалари ҳақида