Тошкентда «Hyundai Santa Fe» уриб юборган эркак воқеа жойида ҳалок бўлди

Тошкентнинг Яккасарой туманида «Hyundai Santa Fe» уриб юборган эркак воқеа жойида ҳалок бўлди. Бу ҳақда пойтахт Ички ишлар бош бошқармаси хабар берди.

Фото: Тошкент шаҳар Ички ишлар бош бошқармаси ахборот хизмати

Маълум қилинишича,  05 июль куни соат тахминан 00:05 да туманнинг Шота Руставели кўчасида 1979 йилда туғилган ҳайдовчи З.Ю. «Hyundai Santa Fe» русумли автомашинада ҳаракатланиб, белгиланмаган жойдан йўлни кесиб ўтаётган пиёдани уриб юборган.

Зарба натижасида пиёда йиқилган ва бир йўналишда ҳаракатланиб келаётган, 1983 йилда туғилган ҳайдовчи М.Х. бошқарувидаги «Toyota» русумли автомашина тагида қолиб кетган.

Оқибатда 1980 йилда туғилган В.С. олган тан жароҳатлари натижасида воқеа жойида вафот этган. Мазкур ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси (Транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисмида назарда тутилган жиноят аломатлари билан жиноят иши қўзғатилди. Ҳозирда тергов ҳаракатлари олиб борилмоқда.

Аввалроқ Фарғона вилояти Боғдод туманида 11 июнь куни «Nexia» дарахтга урилиб, автомобилдаги 3 йигит ҳалок бўлганди. Шунингдек, Андижонда «Tico» ЙТҲ оқибатида иккига бўлиниб кетганди.

Украинада ҳарбий ҳолат ва умумий сафарбарлик муддати узайтирилади
Жаҳон13:14 | 13.8.22
Украинада ҳарбий ҳолат ва умумий сафарбарлик муддати узайтирилади
Ўзбекистонда 6 ойда қанча хорижлик никоҳдан ўтгани маълум бўлди
Жамият12:51 | 13.8.22
Ўзбекистонда 6 ойда қанча хорижлик никоҳдан ўтгани маълум бўлди
ДХХ ўзини ДТМ ходими дея таништириб, ўқишни кўчириб бериш учун 3 минг доллар олган йигитни ушлади
Жамият12:04 | 13.8.22
ДХХ ўзини ДТМ ходими дея таништириб, ўқишни кўчириб бериш учун 3 минг доллар олган йигитни ушлади
Қозоғистонда Марказий Осиёдаги энг катта масжид очилди — фото
Жаҳон11:27 | 13.8.22
Қозоғистонда Марказий Осиёдаги энг катта масжид очилди — фото
Facebook ва Instagram фойдаланувчиларни кузатиши маълум қилинди
Жаҳон11:13 | 13.8.22
Facebook ва Instagram фойдаланувчиларни кузатиши маълум қилинди
Ўзбекистон мобил алоқа абонентлари сони маълум қилинди
Жамият11:10 | 13.8.22
Ўзбекистон мобил алоқа абонентлари сони маълум қилинди