Аҳмад Масъуд ва «Толибон» Тожикистонга боради
Ташрифдан кўзланган мақсад маълум бўлди
Аҳмад Масуд бошчилигидаги Афғонистон Миллий қаршилик фронти Душанбеда «Толибон» билан конференция ўтказади. Бу ҳақда «Sputnik» хабар берди.
Маълум қилинишича, учрашувга Афғонистоннинг барча сиёсий кучлари таклиф этилган. Конференция бўлиб ўтадиган сана маълум қилинмаган.
«Конференциядан кўзланган мақсад ҳозирги инқирозга сиёсий ечим топиш ва Афғонистондаги барча сиёсий кучлар иштирокида инклюзив ҳукумат яратиш», дейилади Миллий қаршилик фронти хабарида.
Таъкидланишича, «Толибон» ҳокимият тепасига келганига 11 ой бўлди, бироқ мамлакатда ҳали «жамиятдаги барча этник гуруҳлар»ни қамраб оладиган инклюзив ҳукумат ўрнатилмаган.
«Қаршилик фронти ҳали ҳам афғон муаммосини фақат музокаралар йўли билан ҳал қилиш мумкин, деб ҳисоблайди. Биз урушни ечим сифатида қабул қилмаймиз», — дейди Аҳмад Масъуд фронти аъзоси.
У Афғонистон барқарор тинчлик ва барқарорликка фақат мулоқот орқали эриша олишини қайд этган.
Эслатиб ўтамиз, Аҳмад Масъуд бошчилигидаги Афғонистон Миллий қаршилик фронти бугунги кунда «Толибон» ҳукуматига қарши турган асосий ҳарбий-сиёсий куч ҳисобланади. Томонлар ўртасидаги тинчлик музокаралари 2021 йил августь ойидан бери вақти-вақти билан ўтказилиб келинмоқда, бироқ ҳозирча томонлар ўзаро натижага эриша олмаган.
Аввалроқ Аҳмад Масъуд қаршилик фронти «Толибон»га қарши кураша оладиган давлатни айтганди. Шунингдек, Аҳмад Масъуд қаршилик кучлари АҚШда хорижий агент сифатида рўйхатдан ўтганди.
