Алишер Усмонов рафиқаси билан ажрашди
Ирина Винер бу маълумотни тасдиқлади
Россиялик миллиардер Алишер Усмонов рафиқаси Ирина Винер билан ажрашди. Бу маълумотни Винер «Матч ТВ» телеканалига берган интервьюсида тасдиқлади.
Маълум қилинишича, ажрашиш ФҲДЁ бўлимида содир бўлган. «Бутун Россия бадиий гимнастика федерацияси президенти Ирина Винер россиялик тадбиркор Алишер Усмонов билан ажралиш ФҲДЁ бўлимида бўлганини айтди», дейилади хабарда.
Россия Оила кодексига кўра, эр-хотиннинг биргаликдаги вояга етмаган фарзандлари бўлмаса, ҳар иккала турмуш ўртоғининг ажрашишига розилик бўлса, ФҲДЁда ажралишни давлат рўйхатидан ўтказиш амалга оширилади.
Миллиардер Винер билан 50 йилга яқин бирга яшаб, шундан 30 йилида қонуний никоҳда бўлгандан кейин ажралишга қарор қилган. Ажрашиш ташаббускори 68 ёшли миллиардернинг ўзи бўлган. Турмуш ўртоқларнинг ҳеч бири бунинг сабабини изоҳламаган. Усмонов рафиқаси билан мулкни бўлишмоқчи бўлмаган. Миллиардернинг ўзи мол-мулкни бўлишмасликни сўраган ва ўз даъвосида рафиқаси билан яшамаслигини ҳам кўрсатган.
Аввалроқ Алишер Усмонов рафиқаси билан ажрашиш тўғрисидаги даъвони қайтариб олганди. Шунингдек, Усмонов ва рафиқаси нега ёпиқ тарзда ажрашаётгани маълум қилинганди.
