Жаҳон соғлиқни сақлаш ташкилоти (ЖССТ) болаларнинг маймунчечакка чалиниш ҳолатлари ортаётганидан огоҳлантирди. Бу ҳақда «РИА Новости» хабар берди.

Ташкилотнинг чечакка қарши курашиш бўйича Фавқулодда вазиятлар котибияти раҳбари Розамунд Льюис бу бўйича маълумот берган.

«Болаларда касаллик кузатилаётгани ҳақида хабарлар мавжуд. Жумладан, уларнинг учдан бир қисми 10 ёшгача, ярми эса беш ёшгача бўлган болалардир», — деган Льюис.

Шунингдек, расмий маймунчечакнинг 18–19 ёшли беморлар орасида юқиши масаласи ҳали тўлиқ ўрганилмаганини қўшимча қилган.

Маълумот ўрнида, болалар орасида маймунчечак биринчи марта Францияда аниқланган. Шундан сўнг иккинчи ҳолат Нидерландияда қайд этилган.

Аввалроқ маймунчечакнинг хавфли аломати ҳақида хабар берилганди. Шунингдек, касаллик асосан кимларда оғирроқ кечиши маълум бўлганди.