Қорақалпоғистонда намойишчиларга қарши қандай қуроллар ишлатилгани маълум бўлди

Қорақалпоғистон комендатураси вакили Зафар Алимов Нукусда бўлиб ўтган намойишларни бостиришда ҳарбийлар қандай воситалардан фойдалангани ҳақида маълумот берди.

Фото: ЎзА

Унинг таъкидлашича, ноқонуний митингларни бостириш мақсадида ёрдамчи кучлар зудлик билан етиб бориб, «дымовая шашка» махсус воситалари орқали тўпланган фуқароларнинг бир қисмини тарқатишга эришган.

Аммо намойишчилар орасида агрессив ҳаракат қилаётганларининг аксарияти спиртли ичимлик ва гиёҳванд моддалар таъсири остида бўлгани ва улар ҳуқуқни муҳофаза қилувчи органлар ходимларига турли кўринишда ҳужумлар қилган.

Тартиббузарларга нисбатан ҲМҚО ходимлари томонидан уларни тарқатиб юбориш учун махсус қуроллардан фойдаланилган. Хусусан, товуш ва ёруғлик орқали таъсир этувчи, кўзни ёшлантирадиган, тутун ҳосил қиладиган гранатали отилмалар ишлатилган. Техник хусусиятига кўра, ушбу воситалар оломонга қарата отилганда 50–400 метргача масофада ерга тушади ва қисқа вақтда кичик детонация содир бўлиб, кўзни ёшлантирувчи тутун ва эшитиш органига таъсир қилувчи товуш ҳамда ёруғлик тарқатади.

Аксарият ҳолатларда граната отилгандан кейин оломон орасига бориб тушганда одамлар у ердан узоқлашади, лекин содир бўлган воқеаларда спиртли ичимлик ва гиёҳванд моддалар таъсири остида бўлган шахслар граната бориб тушгандан сўнг ундан узоқлашмасдан, аксинча, уни олиб, ҳарбийларга қайтариб отишга ҳаракат қилишган ҳолатлар кузатилган.

Бу эса ўзининг салбий оқибатини келтириб чиқариб, портлаш оқибатида битта ҳолатда фуқаронинг юз қисмига жароҳат етган. Яна бир ҳолатда эса гранатанинг устига йиқилгани сабаб думғаза қисмида детонация содир бўлиб, оғир тан жароҳати олган. Ушбу ҳолатлар ижтимоий тармоқларда ҳам кенг тарқалган ва ҳозирда қандай қурол қўлланилгани ҳақида нотўғри фикрлар ҳам пайдо бўлиб, муҳокамаларга сабаб бўлмоқда.

Шунингдек, интернетда «Нукус кўчалари қонга тўлди» деган изоҳ билан видео тарқалган. Кейинчалик ушбу видеода қон эмас, балки оломонни тарқатиш учун сепилган қизил рангли махсус сув эканлиги маълум қилинган.

Қорақалпоғистон бўйича Миллий гвардия бошқармаси бошлиғи ўринбосари майор А.Абдувалиевнинг маълум қилишича, ҳақиқатдан оммавий тартибсизликлар бўлган пайтда одамларни тарқатиш мақсадида қизил бўёқ қўшилган сув сепилган. Бундан мақсад намойишчиларни тезда таниб олиш ва уларни тинч аҳолидан ажратиш бўлган. Масъулнинг таъкидлашича, ушбу бўёқ инсон саломатлиги учун хавфсиз ҳисобланади.

Аввалроқ Даулетмурат Тажимуратов иши бўйича янги маълумотлар эълон қилинганди.

Эслатиб ўтамиз, Қорақалпоғистондаги намойишлар пайтида қанча фуқаро вафот этгани маълум бўлганди. Шунингдек, тартибсизликлар вақтида қанча киши жароҳатлангани ҳақида хабар берилган.

Оиласи билан хайрлашаётган астронавт аёл, шаҳар ўртасидаги улкан мушук, автомобиль йўлига ўтириб олган намойишчи — бугун суратлари
Жамият23:52 | 6.10.22
Оиласи билан хайрлашаётган астронавт аёл, шаҳар ўртасидаги улкан мушук, автомобиль йўлига ўтириб олган намойишчи — бугун суратлари
«Uztelecom Starlink’дан кўра 4-5 баробар арзон ва тез интернетни исталган хонадонга олиб бориши мумкин» — Шерзод Шерматов
Жамият, Тошкент ш.23:13 | 6.10.22
«Uztelecom Starlink’дан кўра 4-5 баробар арзон ва тез интернетни исталган хонадонга олиб бориши мумкин» — Шерзод Шерматов
Россия Беларусга импорт ўрнини босиш учун 1,5 млрд доллар ажратди
Жаҳон22:51 | 6.10.22
Россия Беларусга импорт ўрнини босиш учун 1,5 млрд доллар ажратди
Қашқадарёда туман электр тармоқлари корхонаси ходими ток уриши оқибатида вафот этди
Жамият22:35 | 6.10.22
Қашқадарёда туман электр тармоқлари корхонаси ходими ток уриши оқибатида вафот этди
«Сафарбарликдан қочаётган россияликлар Европадан бошпана сўрашга ҳақли» — Meduza
Жаҳон22:04 | 6.10.22
«Сафарбарликдан қочаётган россияликлар Европадан бошпана сўрашга ҳақли» — Meduza
Гулнора Каримовага тегишли бўлган «Сижжак» дам олиш маскани қайта сотувга қўйилди
Жамият21:44 | 6.10.22
Гулнора Каримовага тегишли бўлган «Сижжак» дам олиш маскани қайта сотувга қўйилди