Шри-Ланка бош вазири мамлакатни банкрот деб эълон қилди

Шри-Ланка бош вазири Ранил Викрамасингхе мамлакатни банкрот деб эълон қилди. Бу ҳақда «CNN» хабар берди.

Фото: «Getty Images»

Вазир Халқаро валюта жамғармаси билан инқирозга учраган иқтисодиётга ёрдам кўрсатиш бўйича музокаралар ўта оғир шароитда кечаётганини айтган.

«Биз музокараларда банкрот давлат сифатида иштирок этмоқдамиз. Шу сабабдан олдинги музокараларга қараганда қийинроқ вазиятга дуч келамиз», — деган вазир мамлакат парламентида сўзлаган нутқида.

Викрамасингхе банкротлик сабабли ҳукумат Шри-Ланка учун алоҳида қарз барқарорлиги режасини тақдим этиши кераклигини айтган.

Таъкидланишича, мамлакат етмиш йил ичида энг оғир молиявий инқирозни бошидан кечирмоқда. Бу унинг валюта захиралари рекорд даражада пасайганидан кейин содир бўлган ва мамлакатда асосий импорт товарлари, жумладан озиқ-овқат, дори-дармон ва ёқилғи учун тўлашга доллар қолмаган.

Шри-Ланка энергетика вазири Канчана Виджесекеранинг Украинадаги уруш вазиятни янада оғирлаштиргани, глобал инқироз туфайли орол давлати ёқилғи тақчиллигига дуч келгани, озиқ-овқат нархи ҳам кўтарилганини таъкидлаган.

Мамлакат пойтахти Коломбода бошқа йирик шаҳарлар каби юзлаб одамлар ёқилғи учун соатлаб навбатда туришга мажбур. Шу билан бирга, улар вақти-вақти билан полиция ва ҳарбийлар билан тўқнашади.

Аввалроқ дунёда глобал иқтисодий инқироз юз бериши мумкинлиги маълум қилинганди. Шунингдек, Путин глобал иқтисодий инқирозга нима сабаб бўлаётганини айтганди.

Тошкентдаги уйларнинг ўртача нархи маълум қилинди
Янгиликлар23:53 | 2.12.22
Тошкентдаги уйларнинг ўртача нархи маълум қилинди
Европа Иттифоқи Россия нефти нарх чегарасини баррели учун 60 доллардан баҳолади
Янгиликлар22:52 | 2.12.22
Европа Иттифоқи Россия нефти нарх чегарасини баррели учун 60 доллардан баҳолади
Қашқадарёда фермер хўжалиги ерини ўзбошимчалик билан эгаллаб олганлар аниқланди
Янгиликлар22:18 | 2.12.22
Қашқадарёда фермер хўжалиги ерини ўзбошимчалик билан эгаллаб олганлар аниқланди
Бугун оқшоми. ЙТҲга учраган прокурор, ИИБ биносида вафот этгани айтилган фуқаро, зинадан йиқилиб тушган Путин
Мақолалар21:06 | 2.12.22
Бугун оқшоми. ЙТҲга учраган прокурор, ИИБ биносида вафот этгани айтилган фуқаро, зинадан йиқилиб тушган Путин
Бухородаги ИИБ биносида фуқаро вафот этгани айтилди
Янгиликлар20:37 | 2.12.22
Бухородаги ИИБ биносида фуқаро вафот этгани айтилди
Европа Иттифоқи Нукус воқеалари бўйича ўтказилаётган суд жараёни юзасидан баёнот берди
Янгиликлар20:17 | 2.12.22
Европа Иттифоқи Нукус воқеалари бўйича ўтказилаётган суд жараёни юзасидан баёнот берди