Қашқадарёда 16 ёшли йигит мушукка шафқатсиз муносабатда бўлгани аниқланди — видео
Ҳуқуқбузар вояга етмагани сабаб унинг отасига чора кўрилди
Қашқадарё вилояти Чироқчи туманида 4 июль куни 12 ёшли йигит мушукка шафқатсиз муносабатда бўлгани аниқланди. Бу ҳақда вилоят Ички ишлар бошқармаси ахборот хизмати хабар берди.
Маълум бўлишича, ушбу воқеа соат 08:30 атрофида Кўкдала туманининг Хўжаобод МФЙда содир бўлган. Аниқланишича, 2006 йилда туғулган А.М. амакисининг уйига меҳмонга бориб, хонадон эгасига тегишли бўлган мушукка нисбатан шафқациз муносабатда бўлган.
Маъмурий ҳуқуқбузарлик содир қилган А.М. вояга етмагани сабаб унинг отаси Ҳ.А.га нисбатан Маъмурий жавобгарлик тўғрисидаги кодекснинг 47-моддаси (Болаларни тарбиялаш ва уларга таълим бериш борасидаги мажбуриятларни бажармаслик) билан баённома расмийлаштирилди.
Аввалроқ Навоийда 27 ёшли йигит мушукни зотдор итларига талатгани ҳақида хабар берилганди. У ҳолатни видеога олиб TikTokʼга жойлаган.
