ХВЖ яна глобал иқтисодий ўсиш прогнозини пасайтирди

Халқаро валюта жамғармаси раҳбари Кристалина Георгиева яқин ҳафталарда унинг идораси жорий йилда учинчи бор 2022 йилга глобал иқтисодий ўсиш прогнозини 3,6 фоизга туширишини маълум қилди. Бу ҳақда «Reuters» хабар берди.

Фото: «CGTN»

Георгиеванинг таъкидлашича, апрель ойидан бери глобал иқтисодиётнинг истиқболлари сезиларли даражада ёмонлашган. ХВЖ июль ойи охирида 2022 ва 2023 йиллар учун янгиланган прогнозни эълон қилиши кутилмоқда. Жамғарма раҳбари 2021 йилда жаҳон иқтисодиёти 6,1 фоизга ўсганини қайд этган.

«Апрель ойидан буён прогноз сезиларли даражада ёмонлашди. Биз жуда нотинч сувдамиз», — деган у. Георгиева инфляциянинг янада кенг тарқалиши, фоиз ставкаларининг юқори ўсиши, Хитойнинг иқтисодий ўсиш суръатининг секинлашиши ва Россияга қарши санкцияларнинг кучайишини бунга сабаб қилиб кўрсатган.

Сўнгги иқтисодий маълумотлар баъзи йирик иқтисодлар, жумладан, Хитой ва Россиянинг иқтисодиёти иккинчи чоракда қисқарганини кўрсатган.

«2022 йил оғир бўлади, лекин 2023 йилда бундан ҳам қийинроқ бўлиши мумкин. 2023 йилда рецессия хавфи ортади», — деб таъкидлаган ХВЖ раҳбари.

Рецессия — иқтисодиётда ишлаб чиқаришнинг нисбатан мўътадил, критик бўлмаган пасайиши ёки иқтисодий ўсишнинг секинлашиши.

Эслатиб ўтамиз, аввалроқ ХВЖ пандемия даври ва Украинадаги уруш фонида Ўзбекистон иқтисодиётининг ўсиши 2022 йилда илгари прогноз қилинган 6 фоизга нисбатан 3–4 фоизгача пасайишини маълум қилганди.

Бугун оқшоми. Саудияда намоз ўқиган Мирзиёев, 18 та машина иштирокидаги ЙТҲ ва калтаклаб ўлдирилган 3 ёшли қиз
Жамият21:00 | 17.8.22
Бугун оқшоми. Саудияда намоз ўқиган Мирзиёев, 18 та машина иштирокидаги ЙТҲ ва калтаклаб ўлдирилган 3 ёшли қиз
Навоийда 156 млн сўм имтиёзли кредит маблағларини ўзлаштирган иш юритувчи аниқланди
Жамият20:43 | 17.8.22
Навоийда 156 млн сўм имтиёзли кредит маблағларини ўзлаштирган иш юритувчи аниқланди
Британияда суғориш учун шланглардан фойдаланиш тақиқланди
Жаҳон20:12 | 17.8.22
Британияда суғориш учун шланглардан фойдаланиш тақиқланди
Шавкат Мирзиёев Масжидун Набавийда икки ракат намоз ўқиди — видео
Жамият19:40 | 17.8.22
Шавкат Мирзиёев Масжидун Набавийда икки ракат намоз ўқиди — видео
Ўзбекистонда 6 ойда 41 судьянинг ваколати муддатидан олдин тугатилди
Жамият19:09 | 17.8.22
Ўзбекистонда 6 ойда 41 судьянинг ваколати муддатидан олдин тугатилди
Зеленский Қрим аҳолисини Россия ҳарбий объектларига яқинлашмасликка чақирди
Жаҳон19:05 | 17.8.22
Зеленский Қрим аҳолисини Россия ҳарбий объектларига яқинлашмасликка чақирди