Қорақалпоғистонда намойишчиларни тарқатиш учун ўқ узилгани ҳақидаги хабар рад этилди

Қорақалпоғистоннинг Нукус шаҳрида 1–2 июль кунлари бўлиб ўтган тартибсизликлар пайтида ҳуқуқ-тартибот идоралари ходимлари намойишчиларга ўқ узгани ҳақида хабар тарқалди. Миллий гвардия бу хабар ҳақиқатга тўғри келмаслигини маълум қилди.

Скрин: Telegram / @milliygvardiyauz_official

Қайд этилишича, интернетда фуқаролар томонидан тартибсизликлар содир бўлган жойлардан ўқ отар қуроллардан отилган гильзалар топилгани акс этган видеотасвирлар тарқатилган. Унда «тинч намойишлар чоғида тинч аҳолини ўлдирган ўқ дорилардан қолган гильзалар» деган хабар тарқатилган. Бироқ бу видеотасвирда ҳеч қандай ўлганлар кўрсатилмаган.

«Шу сабабли биз бу хабарлар ёлғон эканлигини маълум қиламиз. Оммавий ахборот воситалари учун ўтказилган брифингда Миллий гвардия вакиллари ҳақиқий ўқ-дорилар қачон ишлатилиши ҳақида аниқ жавоб берди, аммо бу ерда улар ишлатилмади. Фақат оломонни тарқатиш ва тартибсизликларни бостириш учун махсус воситалар – ёруғлик, шовқин ва тутун ишлатилган», дейилади муносабатда.

Аниқлик киритилишича, пиротехника воситалари билан тўлдирилган патронларнинг ўқлари махсус 4 ўқли қўшимчали Калашников автоматдан отилади. Бундай махсус воситаларни қўллаш учун автоматга пахтовон ўқлар жойланади.

Оломонни тарқатиш учун ишлатилган махсус воситалар қолдиқларини топиб олганлар провокацион руҳдаги видеохабарларни ижтимоий тармоқларда тарқатишни мақсад қилган. Бироқ ҳуқуқни муҳофаза қилувчи органлар ходимларининг бундай вазиятларда қуроллардан фойдаланиши учун қонуний асослари мавжуд.

Аввалроқ Миллий гвардия ахборот хизмати Қорақалпоғистондаги намойишлар пайтида чақалоқ ўқдан яралангани ҳақидаги хабарлар ҳақиқатга тўғри келмаслигини маълум қилганди.

Жиззахда ўнга яқин машина иштирокида ЙТҲ содир бўлди — видео
Жамият, Жиззах12:51 | 19.8.22
Жиззахда ўнга яқин машина иштирокида ЙТҲ содир бўлди — видео
Ўзбекистонда ҳар йили қанча қаттиқ маиший чиқинди ҳосил бўлаётгани маълум қилинди
Жамият12:15 | 19.8.22
Ўзбекистонда ҳар йили қанча қаттиқ маиший чиқинди ҳосил бўлаётгани маълум қилинди
Бразилия президенти қамалиши мумкин
Жаҳон12:11 | 19.8.22
Бразилия президенти қамалиши мумкин
Россия ва Ўзбекистон хавфсизлик кенгаши котиблари музокара ўтказди
Жаҳон12:06 | 19.8.22
Россия ва Ўзбекистон хавфсизлик кенгаши котиблари музокара ўтказди
Ўзбекистонда дам олиш кунлари ҳаво ҳарорати салқин бўлади
Жамият12:05 | 19.8.22
Ўзбекистонда дам олиш кунлари ҳаво ҳарорати салқин бўлади
Йилига 500 мингта автомобиль: «UzAuto Motors» ишлаб чиқариш ҳажмини кескин оширади
Жамият11:30 | 19.8.22
Йилига 500 мингта автомобиль: «UzAuto Motors» ишлаб чиқариш ҳажмини кескин оширади