Смартфон сотуви бўйича IT компаниялар рейтинги эълон қилинди
International Data Corporation 2022 йилнинг биринчи чорагида смартфон сотуви бўйича дунёдаги энг муваффақиятли IT компанияларни эълон қилди. Бу ҳақда «Phone Arena» хабар берди.
Биринчи ўринни 73,6 миллион смартфон сотуви билан Жанубий Кореянинг Samsung компанияси эгаллаган. Унинг глобал бозордаги улуши 23,4 фоизини ташкил қилади. Навбатдаги ўринни Apple олган, компания январдан мартгача 56,5 миллион телефон сотган ва бозрнинг 18,4 фоиз улушига эга чиққан.
Рўйхатга кўра, 39,9 миллион телефон етказиб берган Xiaomi учинчи ўринни қайд этган. Компания ушбу даврда 12,7 фоиз бозор улушига эга бўлган. Oppo ва Vivo 2022 йилнинг биринчи чорагида мос равишда 27,4 миллион ва 25,3 миллион дона телефон етказиб бериш билан тўртинчи ва бешинчи ўринларни эгаллаган. Oppo’нинг бозор улуши 8,7 фоизни, Vivo’нинг улуши эса 8,1 фоизни ташкил этган.
Эслатиб ўтамиз, аввалроқ IT гигантлар сониясига қанча маблағ топиши ҳисоблаб чиқилганди.
