АҚШ Конгрессига Қорақалпоғистондаги воқеалар юзасидан ҳисобот тақдим этилади

Қорақалпоғистондаги вазият ва Ўзбекистоннинг минтақа тинчлиги, барқарорлигини таъминлаш борасидаги ҳаракатлари тўғрисида холис маълумот бериш учун элчи Жавлон Ваҳобов видеоконференция орқали АҚШ Конгресси аъзолари билан музокаралар ўтказди. Бу ҳақда «Dunyo» ахборот агентлиги хабар берди.

Фото: «Bugun.uz»

Учрашувда АҚШ Конгресси Ташқи ишлар қўмитасининг Осиё, Тинч океани ва Марказий Осиё минтақаси бўйича қуйи қўмитаси ҳамраиси Стив Чабот Қорақалпоғистондаги воқеаларнинг асл сабаблари тўғрисидаги батафсил маълумот ва ҳукуматнинг минтақадаги вазиятни барқарорлаштириш бўйича чора-тадбирлари учун миннатдорлик билдирган.

Шуниндек, у АҚШ Ўзбекистоннинг кенг қамровли, очиқ ва ишончли тергов ўтказиш ниятини олқишлашини айтган. Стив Чабот АҚШ Конгрессидаги «Ўзбекистон бўйича Кокус аъзоси» ва Марказий Осиё бўйича қуйи қўмита ҳамраиси сифатида Қорақалпоғистондаги мавжуд вазиятни яқиндан кузатиб боришини ва ҳукуматнинг уни нормаллаштириш борасидаги саъй-ҳаракатларини қўллаб-қувватлашини айтган.

«Ишончим комилки, яқинда юртингизни қамраб олган бу фожиа ёруғ келажак учун бошланғич нуқтага айланади, бундай ҳолат бошқа такрорланмайди, бу ҳудудда яна тинчлик ва осойишталик ҳукм суради», — деган 2021 йил октябрда америкалик қонунчилар делегацияси таркибида Ўзбекистонга ташриф буюрган Конгрессдаги Ўзбекистон Кокус аъзоси Дон Бэкон.

Ўзбекистон элчихонаси хабарига кўра, учрашув якунлари бўйича АҚШ конгрессменлари «Congressional Record»ни АҚШ Конгрессига тақдим этишга тайёр эканини маълум қилган. «Congressional Record» АҚШ Конгрессининг расмий ҳужжати бўлиб, АҚШнинг барча сенаторлари ва конгрессменлари идораларига тарқатилади, уларнинг фикрича, бу Конгресснинг барча аъзоларига минтақадаги воқеалар ҳақида объектив маълумотларни етказиш нуқтаи назаридан фойдали бўлади.

Бундан ташқари, конгрессменлар мазкур ҳужжатга Қорақалпоғистонга оид маълумотларнинг киритилиши маълум даражада Конгресс аъзоларининг бу борадаги ҳамжиҳатлигини кўрсатишини таъкидлаган.

Аввалроқ АҚШ Қорақалпоғистондаги воқеаларга муносабат билдирганди. Шунингдек, Россия ТИВ Қорақалпоғистондаги вазиятга баҳо берганди.

Тошкентдаги ҳарбий госпиталда дарахтлар қуритилаётганига муносабат билдирилди
Жамият19:46 | 1.10.22
Тошкентдаги ҳарбий госпиталда дарахтлар қуритилаётганига муносабат билдирилди
Президент тадбиркорлик субъектларининг экспорт салоҳиятини янада кенгайтиришга доир фармонни имзолади
Жамият19:07 | 1.10.22
Президент тадбиркорлик субъектларининг экспорт салоҳиятини янада кенгайтиришга доир фармонни имзолади
Ўзбекистонда энг арзон палов қаерда сотилаётгани маълум бўлди
Жамият18:32 | 1.10.22
Ўзбекистонда энг арзон палов қаерда сотилаётгани маълум бўлди
Ўзбекистонда кейинги ҳафта қандай об-ҳаво кузатилиши маълум бўлди
Жамият17:45 | 1.10.22
Ўзбекистонда кейинги ҳафта қандай об-ҳаво кузатилиши маълум бўлди
Азиз Абдуҳакимов Tourism EXPO Japan 2022 вазирлар анжумани иштирокчиларини Самарқандга таклиф этди
Жамият17:14 | 1.10.22
Азиз Абдуҳакимов Tourism EXPO Japan 2022 вазирлар анжумани иштирокчиларини Самарқандга таклиф этди
Тошкентда номаълум шахслар мушукнинг юнгини олиб, мўйловларини қирқиб ташлади
Жамият16:28 | 1.10.22
Тошкентда номаълум шахслар мушукнинг юнгини олиб, мўйловларини қирқиб ташлади