ДХХ Тошкентда чақалоғини 35 минг долларга сотмоқчи бўлган аёлни ушлади

Давлат хавфсизлик хизмати Тошкент ва Сирдарёда одам савдосига қарши тезкор тадбирлар ўтказди.

Фото: «Bugun.uz»

Маълум бўлишича, ДХХ ва ИИВ ходимлари томонидан ҳамкорликда тезкор тадбир ўтказилган. Унда Тошкент шаҳрида яшовчи 1994 йилда туғилган А.Ш. фарзандини сотмоқчи бўлгани аниқланган. У 15 июнь куни туғилган чақалоғини 35 минг АҚШ долларига сотиб, келгусида болани қайтариб олиш учун даъво қилмаслик бўйича тилхат ёзиб берган вақтида ушланган. Шунингдек, унинг мазкур ноқонуний ҳаракатини амалга оширишида ёрдам бергани учун 200 доллар олган туғруқхона шифокори ҳам қўлга олинди.

Шу билан бирга, ДХХ Сирдарё вилояти бўйича бошқармаси ходимлари томонидан Иқтисодий жиноятларга қарши курашиш департаментининг ҳудудий бошқармаси билан ҳамкорликда Боёвут туманида тезкор тадбир ўтказилган. 1993 йилда туғилган Х.Д. исмли аёл ўзининг 4 ёшли ўғлини 16 минг долларга сотган вақтида ашёвий далиллар билан ушланди. Ҳозирда ҳар икки ҳолат юзасидан жиноят иши қўзғатилиб, тергов ҳаракатлари олиб борилмоқда.

Аввалроқ Тошкентда 8 ойлик ўғлини 10 минг долларга сотган аёлга суд ҳукми ўқилганди. У фарзандини боқишга имкони йўқлиги учун сотмоқчи бўлган.

Россия ва Ўзбекистон хавфсизлик кенгаши котиблари музокара ўтказди
Жаҳон12:06 | 19.8.22
Россия ва Ўзбекистон хавфсизлик кенгаши котиблари музокара ўтказди
Ўзбекистонда дам олиш кунлари ҳаво ҳарорати салқин бўлади
Жамият12:05 | 19.8.22
Ўзбекистонда дам олиш кунлари ҳаво ҳарорати салқин бўлади
Йилига 500 мингта автомобиль: «UzAuto Motors» ишлаб чиқариш ҳажмини кескин оширади
Жамият11:30 | 19.8.22
Йилига 500 мингта автомобиль: «UzAuto Motors» ишлаб чиқариш ҳажмини кескин оширади
Путин ва Си Цзиньпин G20 саммитига боради
Жаҳон11:10 | 19.8.22
Путин ва Си Цзиньпин G20 саммитига боради
Тошкентдан Токиога авиақатнов йўлга қўйилди
Жамият11:08 | 19.8.22
Тошкентдан Токиога авиақатнов йўлга қўйилди
Наманганда ўғриланган Қуръон мусҳафи топилди — видео
Жамият, Наманган11:02 | 19.8.22
Наманганда ўғриланган Қуръон мусҳафи топилди — видео