Қозоғистонда сигир одамларга ҳужум қилди — видео
Ҳодиса оқибатида жароҳатланганлар бор
Қозоғистоннинг Костанай шаҳри марказида 11 июль куни сигир одамларга ҳужум қилди. Бу ҳақда «NUR.kz» хабар берди.
Мазкур ҳужум оқибатида уч киши жабрланган. Ижтимоий тармоқда сигирнинг шаҳар бўйлаб сайр қилаётгани тасвирлари пайдо бўлган. Эгасидан қочган жонивор ўзини агрессив тутган. Тасвирда унинг аёлни уриб юборганини кўриш мумкин.
Сигир бир нафар эркак, аёл ва песионерга ҳужум қилган. «Эркак сон суяги синиши ташхиси билан касалхонага ётқизилган, аёлнинг оёғи кўкарган, пенсионернинг эса суяги синган», — дейди вилоят соғлиқни сақлаш бошқармаси.
Таъкидланишича, полиция жониворни тўхтатишга муваффақ бўлган ва ҳайвоннинг эгасини аниқлаган.
Аввалроқ Қозоғистонда автомобиль йўлига чиқиб кетган сигирлар жарима майдончасига жойлаштирилгани ҳақида хабар берилганди.
