Ўзбекистонда саноат корхоналарида бахтсиз ҳодиса сабаб қанча ўлим ҳолати кузатилгани айтилди

Ўзбекистонда 2022 йил 1-ярим йиллигида саноат корхоналарида бахтсиз ҳодиса сабаб қанча ўлим ҳолати кузатилгани айтилди. Бу ҳақда АОКАда Саноат хавфсизлиги давлат қўмитаси ходимлари иштирокида 13 июль куни ўтказилган матбуот анжуманида маълум қилинди, дея хабар бермоқда «Bugun.uz» мухбири.

Фото: «Bugun.uz»

Қайд этилишича, мос даврда саноат, радиация хавфсизлиги талаблари ва ер ости бойликларидан фойдаланиш соҳаларида 27 010 та қоидабузилиш аниқланган. 22 та корхонада ишлар вақтинча тўхтатиб қўйилган. 1521 та инженер-техник ва раҳбар ходимларга 1 миллиард 186 миллион 598 000 сўм миқдорида жарималар қўлланилган.

Шунингдек, Саноат хавфсизлиги давлат қўмитаси назорати остидаги корхона ва ташкилотларда умумий 42 та бахтсиз ҳодиса содир бўлиб, булардан 13 таси ўлим билан тугаган. Ҳудудлардаги мавжуд жами 143 та маданият ва истироҳат боғида ўрнатилган 1879 та аттракцион кўздан кечирилди ва улардан хавфсиз фойдаланиш талабларига риоя этиш ҳолати ўрганиб чиқилган. Шу билан бирга, 574 аттракцион вақтинчалик тўхтатилган.

Содир бўлган бахтсиз ҳодисалар таҳлили шуни кўрсатдики, бахтсиз ҳодисалар 68,82 фоиз ҳолатда ташкилий сабаблар, яъни ишлаб чиқаришда ишларнинг тўғри ташкил этилмаганлиги ва ходимларнинг саноат хавфсизлиги соҳасида билим даражасининг пастлиги, техник ва технологик жараёнларда ишлаб чиқариш интизомининг пастлиги, иш бажарувчининг эҳтиётсизлиги ёки таваккалчиликка йўл қўйиши оқибатида бўлган.

Бундан ташқари, 31,18 фоиз ҳолатда техник сабаблар, яъни техник жиҳозлар ва қурилмаларнинг носозлиги, уларнинг конструктив янгиланмаслиги, меъёрий ҳужжат ва лойиҳа талабларининг бузилиши, техник қурилмаларга хизмат кўрсатишда камчиликларга йўл қўйилиши оқибатида юзага келган.

Эслатиб ўтамиз, аввалроқ Намангандаги истироҳат боғида аттракцион боланинг бўйнини қисиб қолгани айтилганди. Шунингдек, Ўзбекистонда 5 йилда қанча одам машина газ баллонлари портлаши сабаб вафот этгани маълум бўлганди.

Шахмат олимпиадаси ғолибларига қандай давлат мукофотлари берилиши маълум бўлди
Жамият18:18 | 10.8.22
Шахмат олимпиадаси ғолибларига қандай давлат мукофотлари берилиши маълум бўлди
Бахтиёр Исломов Ўзбекистон Олий суди раиси лавозимига сайланди
Жамият17:53 | 10.8.22
Бахтиёр Исломов Ўзбекистон Олий суди раиси лавозимига сайланди
«Ҳиндистонда ғолиб бўлган шахматчиларимизни давлат мукофотлари билан тақдирлаймиз» — Шавкат Мирзиёев
Жамият17:24 | 10.8.22
«Ҳиндистонда ғолиб бўлган шахматчиларимизни давлат мукофотлари билан тақдирлаймиз» — Шавкат Мирзиёев
«Бугунги Тошкент 1994 йилги Дубайдан зўр» — Жаҳонгир Ортиқхўжаев
Жамият, Тошкент ш.16:57 | 10.8.22
«Бугунги Тошкент 1994 йилги Дубайдан зўр» — Жаҳонгир Ортиқхўжаев
Ўзбекистонда хонадонларга суюлтирилган газ етказиб бериш муддати қисқаради
Жамият16:37 | 10.8.22
Ўзбекистонда хонадонларга суюлтирилган газ етказиб бериш муддати қисқаради
Саудия Арабистони дипломати Мисрда нутқ сўзлаётганда вафот этди — видео
Жаҳон16:01 | 10.8.22
Саудия Арабистони дипломати Мисрда нутқ сўзлаётганда вафот этди — видео