Марғилондаги нефтни қайта ишлашга мўлжалланган хусусий цехда 14 июль куни ёнғин содир бўлди. Бу ҳақда Фарғона вилоят Фавқулодда вазиятлар бошқармаси матбуот хизмати хабар берди.

Маълум қилинишича, 14 июль куни соат 16:26 да Тошлоқ тумани Бешолиш даҳасида жойлашган цехдаги махсус қазилган 4 х 4 бўлган чуқурликдаги сиғими 200 литир бўлган 5 дона темир идишларда бўлган нефть маҳсулотларидан ёнғин келиб чиққан.

Марғилон шаҳар Ал-Фаробий кўчасида яшовчи 1980 йилда туғилган А.И.А га тегишли бўлган цехда содир бўлган ёнғин оқибатида Тошлоқ тумани Ҳамза кўчасида яшовчи 1995 йилда туғилган Ж.Т  I-II-III даража 30 фоиз куйиш, Марғилон шаҳар Надирмат МФЙ Аминдарё кўчасида яшовчи 1987 йилда туғилган Ф.Э. I-II-III даража  80 фоиз куйиш тан жароҳатлари олиб вилоят РШЁИМга ётқизилган.

Ҳозирда ёнғиннинг келиб чиқиш сабаби ва зарари аниқланмоқда.

Аввалроқ Тошкент вилояти Қуйичирчиқ туманида 3 июль куни савдо мажмуасида ёнғин содир бўлганди. Шунингдек, Наманганда бекатдаги дўконда ёнғин содир бўлганди. Ҳолат бўйича терговга қадар суруштирув олиб борилаётганди.