Самарқанд шаҳрида 14 июль куни ўзини кўприкдан ташламоқчи бўлган аёл тўхтатиб қолинди. Бу ҳақда вилоят Ички ишлар бошқармаси ахборот хизмати хабар берди.

Қайд этилишича, соат 8:20 да Иштихон туманида яшовчи, 1991 йилда туғилган С.У. Самарқанд шаҳридаги Сиёб бозори ёнидаги кўприкдан ўзини пастга ташламоқчи бўлганида шу ердан ўтиб кетаётган фуқаролар томонидан тўхтатиб қолинган.

Дастлабки текширувлар унинг ушбу ҳолатни содир этишига оиласидаги носоғлом муҳит сабаб бўлганини кўрсатмоқда. Ҳозирда ҳолат юзасидан Самарқанд шаҳри бўйича ИИО ФМБ томонидан терговга қадар текширув ҳаракатлари олиб борилмоқда.

Аввалроқ Самарқандда 18 ёшли қиз ўзини сувга ташламоқчи бўлганди. Шунингдек, Тошкентда ўсмир йигит ўзини 9 қаватли бино томидан ташламоқчи бўлгани хабар қилинган.