Украина, Россия, Туркия ва БМТ расмийлари 13 июль куни Истанбулда ғалла экспорти бўйича ўтказган музокара натижаси маълум қилинди. Бу ҳақда «The Wall Street Journal» хабар берди.

Томонлар бу борада эришган келишув миналардан тозалаш ва ўт очишни тўхтатишни ўз ичига олади. Ғалла Украинанинг учта портидан Украина кемалари ҳамроҳлигидаги карвонлар орқали етказилиши мумкин, географик чегаралар доирасида ўт очишни тўхтатиш режимини жорий этиш таклиф қилинмоқда.

Бундан ташқари, Туркия ҳарбий-денгиз кучлари Украина портларига келаётган бўш кемаларни текширади. Бу орқали Ғарб қуролларини Украинага етказиб бериши эҳтимоли баҳоланади. Келишувнинг техник тафсилотларини, жумладан, Украина портлари атрофида ўрнатилган миналарни зарарсизлантиришни ишлаб чиқиш зарур. Шундан сўнг яқин кунларда келишув имзоланиши мумкин.

«Энг муҳими, биз ҳали ҳам Путиндан яшил чироққа муҳтожмиз», — деган у.

Аввалроқ Беларусь президенти Украина донини унинг мамлакати орқали олиб ўтишни таклиф қилганди. Путин ҳам ушбу таклиф маъқул эканини айтганди. Зеленский эса бу таклифга жавоб қайтарган.