Давлат статистика қўмитаси Ўзбекистоннинг иқтисодий ҳолати январь–июнь ойларида қанчалик ўсганини маълум қилди.

Қайд этилишича, ўтган ярим йилда ялпи ички маҳсулот ҳажмининг ўсиш суръати 105,4 фоиз,  саноат ишлаб чиқариш физик ҳажми индекси 105,1 фоиз, қурилиш ишлари ҳажмининг ўсиш суръати эса 106,2 фоизни ташкил этган.

Мамлакатнинг бошқа соҳалар бўйича иқтисодий ҳолати қуйидагича:

• чакана савдо товар айланмаси ўсиш суръати — 109,9 фоиз;
• бозор хизматлари ҳажмининг ўсиш суръати — 114,5 фоиз;
• қишлоқ, ўрмон ва балиқчилик хўжалигининг ўсиш суръати — 102,7 фоиз;
• ташқи савдо айланмаси ўсиш суръати — 132,4 фоиз;
• экспортнинг ўсиш суръати — 140,5 фоиз;
• импортнинг ўсиш суръати — 127,4 фоиз;
• фаолият кўрсатаётган корхона ва ташкилотлар сони — 561 386 та.

Аввалроқ Ўзбекистонда январь–март ойларида ялпи ички маҳсулот ҳажми жорий нархларда 162,8 триллион сўмга етганди. Шунингдек, 2021 йил давомида ЯИМ ўсиши 7 фоизга етиши кутилганди. Ҳамда кейинги 2022–2026 йилларда ялпи ички маҳсулот ўсиш суръати 5–6 фоиздан кам бўлмаслиги режалаштирилган.