Қозоғистонда содир бўлган ЙТҲда 2 нафар Ўзбекистон фуқароси ҳалок бўлди

Қозоғистоннинг Шетский туманида 16 июль куни «MAN» юк машинаси ва «Меrcеdеs-Benz Sprinter» йўловчи микроавтобуси тўқнашиб кетиши оқибатида 8 киши ҳалок бўлди. Ўзбекистон Фавқулодда вазиятлар вазирлиги содир бўлган йўл-транспорт ҳодисаси юзасидан бирламчи маълумотларни эълон қилди.

Фото: «pixabay.com» / Иллюстратив

Қозоғистон ФВВдан олинган маълумотга кўра, соат 3:21 да Шетский туманидан ўтган Олмаота–Екатеринбург автомобиль йўлининг 850-километрида ҳаракатланган «MAN» юк машинаси ва «Меrcеdеs-Benz Sprinter» йўловчи микроавтобуси тўқнашган. Оқибатда микроавтобус ичида бўлган 17 нафар йўловчидан 8 нафари воқеа жойида ҳалок бўлган, 9 нафар йўловчилар турли даражада тан жароҳати олиб, Aксу-Aюли қишлоқ касалхонасига ётқизилган.

ЙТҲ оқибатида микроавтобус салонида бўлган 5 нафар Ўзбекистон фуқаросидан 2 нафари воқеа жойида ҳалок бўлган ҳамда 3 нафари турли тан жароҳатлари билан шифохонага ётқизилган. Ҳозирда ушбу фуқароларга малакали тиббий ёрдам кўрсатилмоқда.

«Шуни алоҳида таъкидлаш жоизки, дўст Қозоғистон масъуллари юзага келган мазкур бахтсиз ҳодиса оқибатларини зудлик билан бартараф этиш, жароҳатланганларга тез тиббий ёрдам кўрсатишда яқиндан кўмак беришмоқда.

Ҳозирда ушбу холат юзасидан Қозоғистон ИИВ ҳодимлари томонидан дастлабки терговолди суриштирув ишлари олиб борилмоқда. Ҳолат юзасидан Қозоғистон Фавқулодда вазиятлар вазирлиги билан маълумот алмашинуви давом этмоқда», дейилган хабарда.

Аввалроқ Қозоғистонда ўзбекистонликлар иштирокидаги ЙТҲда 11 та машина қатнашгани маълум қилинганди. Шунингдек, Қозоғистонда ичида 31 нафар ўзбекистонлик бўлган автобус ёниб кетган.

Украинада ҳарбий ҳолат ва умумий сафарбарлик муддати узайтирилади
Жаҳон13:14 | 13.8.22
Украинада ҳарбий ҳолат ва умумий сафарбарлик муддати узайтирилади
Ўзбекистонда 6 ойда қанча хорижлик никоҳдан ўтгани маълум бўлди
Жамият12:51 | 13.8.22
Ўзбекистонда 6 ойда қанча хорижлик никоҳдан ўтгани маълум бўлди
ДХХ ўзини ДТМ ходими дея таништириб, ўқишни кўчириб бериш учун 3 минг доллар олган йигитни ушлади
Жамият12:04 | 13.8.22
ДХХ ўзини ДТМ ходими дея таништириб, ўқишни кўчириб бериш учун 3 минг доллар олган йигитни ушлади
Қозоғистонда Марказий Осиёдаги энг катта масжид очилди — фото
Жаҳон11:27 | 13.8.22
Қозоғистонда Марказий Осиёдаги энг катта масжид очилди — фото
Facebook ва Instagram фойдаланувчиларни кузатиши маълум қилинди
Жаҳон11:13 | 13.8.22
Facebook ва Instagram фойдаланувчиларни кузатиши маълум қилинди
Ўзбекистон мобил алоқа абонентлари сони маълум қилинди
Жамият11:10 | 13.8.22
Ўзбекистон мобил алоқа абонентлари сони маълум қилинди