Хитой раиси уйғурлар яшайдиган Шинжонга борди — фото
Хитой раиси Си Цзиньпин уйғурлар яшайдиган Шинжонга ташриф буюрди. Бу ҳақда «The Guardian» хабар берди.

Давлат раҳбари АҚШ Хитойни уйғур озчилигига қарши геноцидда айблаши фонида саккиз йил ичида илк бор Шинжонга ташриф буюрган. 12 июлдан 15 июлгача Хитой раиси Шинжоннинг диққатга сазовор жойлари, жумладан, пахта плантациялари, савдо зонаси ва музейга ташриф буюрган.

АҚШ мажбурий меҳнат билан боғлиқ хавотирлар туфайли Шинжондан пахта импортини тақиқламоқда. Си Цзиньпин Шинжон расмийларини бирдамликни сақлаш учун халқни тинглашга чақирган. У ижтимоий барқарорликни сақлашга қаратилган хавфсизлик чоралари мунтазам бўлиши кераклигини таъкидлаган. Цзиньпин исломий одатлар Хитойникига мос келиши ва Шинжон «сиёсий жиҳатдан ишончли» диний вакиллардан иборат жамоа тайёрлаши кераклигини айтган.
Си Цзиньпиннинг Шинжонга сўнгги ташрифи 2014 йилда бўлган эди.



Аввалроқ Туркия уйғурлар билан боғлиқ вазият бўйича Хитойга мурожаат қилганди. Шунингдек, Европа парламенти Хитойнинг уйғурларга нисбатан ҳаракати бўйича резолюция қабул қилган.


