Андижонда 19 ёшли қиз ўзи олиб қочган машинада ЙТҲга учради

Андижон вилояти Асака туманида 11 июль куни 19 ёшли қиз ўзи олиб қочган машинада йўл-транспорт ҳодисасига учради. Бу ҳақда Ички ишлар вазирлиги ҳузуридаги тергов департаменти ахборот хизмати хабар берди.

Фото: Ички ишлар вазирлиги ҳузуридаги тергов департаменти ахборот хизмати

Маълум қилинишича, шу куни тахминан соат 00:30 да Асака туманида яшовчи 19 ёшли Н.Д. (қиз), ўзига олдиндан таниш бўлган 22 ёшли А.И. (йигит) бошқарувидаги «Cobalt» автомашинасида Асака туман «Жанон-2» кўчасига бирга борган.

Ҳайдовчи А.И. автомашинадан танишлари билан гаплашиш мақсадида тушганидан ва автомашина двигателини ўчирмай калитини ўзида қолдириб кетганидан фойдаланган қиз руль бошқарувига ўтириб, А.И.нинг рухсатисиз машинани олиб қочган. Сўнгра Шаҳрихон тумани ҳудудига етганида бошқарувни йўқотиб, йўл-транспорт ҳодисаси содир этган.

Мазкур ҳолат юзасидан Асака тумани Ички ишлар бошқармаси ҳузуридаги тергов бўлинмаси томонидан Н.Д.га нисбатан Жиноят кодексининг 267-моддаси 1-қисми (Транспорт воситасини олиб қочиш) билан жиноят иши қўзғатилган. Ҳозирда юқоридаги шахс нима сабабдан ушбу жиноятга қўл ургани аниқланмоқда.

Аввалроқ Тошкент вилояти Чирчиқ шаҳрида 5 февраль куни ювиш учун қолдириб кетилган «Lacetti»ни олиб қочган «мойкачи» йигит ЙТҲга учраганди. Шунингдек, Бухорода 18 ёшли маст «мойкачи» танишининг «Nexia»сини олиб қочгани хабар қилинганди.

Одамлардан яратилган улкан минора, итларга сув сепаётган роҳиб, Париждаги мода ҳафталиги — бугун суратлари
Жаҳон23:54 | 3.10.22
Одамлардан яратилган улкан минора, итларга сув сепаётган роҳиб, Париждаги мода ҳафталиги — бугун суратлари
Қорақалпоғистонда Боқирғоний таваллудининг 900 йиллигига бағишланган халқаро конференция бўлиб ўтди
Жамият23:27 | 3.10.22
Қорақалпоғистонда Боқирғоний таваллудининг 900 йиллигига бағишланган халқаро конференция бўлиб ўтди
Жиззахда 14 та пахта ортилган тиркама билан ҳаракатланган трактор ҳайдовчиси жаримага тортилган
Жамият23:06 | 3.10.22
Жиззахда 14 та пахта ортилган тиркама билан ҳаракатланган трактор ҳайдовчиси жаримага тортилган
Тошкентда туман ҳокимлигининг бош юрисконсульти пора билан ушланди
Жамият22:33 | 3.10.22
Тошкентда туман ҳокимлигининг бош юрисконсульти пора билан ушланди
Ўзбекистонда аёллар тазйиқ ва зўравонликнинг қайси кўринишларига кўпроқ дуч келиши маълум бўлди
Жамият22:02 | 3.10.22
Ўзбекистонда аёллар тазйиқ ва зўравонликнинг қайси кўринишларига кўпроқ дуч келиши маълум бўлди
Сурхондарёда ўрмон ерлари сотилаётгани юзасидан баёнот берилди
Жамият21:31 | 3.10.22
Сурхондарёда ўрмон ерлари сотилаётгани юзасидан баёнот берилди