Япония собиқ бош вазири Синдзо Абэнинг қотили 41 ёшли Тэцуя Ямагами ҳужумдан сал олдин режалари қайд этилган хат ёзгани маълум бўлди. Бу ҳақда «Yomiuri» хабар берди.

Маълум қилинишича, нашрга янги тафсилотлар ҳақида ўз манбаси хабар берган. Унга кўра, Японияда яшовчи бир киши қотилликдан сўнг почта қутисидан хат топиб олган. Унда Ямагами оиласининг молиявий қийин аҳволга тушиб қолишига сабабчи бўлган «Бирлашиш черкови» номли диний ташкилот танқид қилинган.

Гарчи конвертда жўнатувчининг исми бўлмаса-да, унинг ичида унинг онаси ва «Бирлашиш черкови» ўртасида тузилган шартнома, унда эса Ямагами исми ва манзили ҳамда бошқа нарсалар ҳам бўлган. Матнда Ямагами Абэни айбдор деб ҳисобламаслигини ёзган. Аммо сиёсатчининг оиласининг қийин аҳволга тушиб қолишига сабаб бўлган ташкилотга хайрихоҳлигини билдирган.

Абэга қилинган ҳужум 8 июль куни эрталаб содир бўлган. Ҳодиса Япониянинг Нара шаҳрида сайловолди ташвиқоти чоғида юз берган. Япония ўзини ўзи мудофаа қилиш кучларининг собиқ денгизчиси Ямагами сиёсатчига орқадан яқинлашиб, уни ов милтиғи билан отган.

Синдзо Абэ икки марта Япония бош вазири лавозимида ишлаган: 2006–2007 ва 2012–2020-йиллар.

Аввалроқ Япония собиқ бош вазири Синдзо Абэни отган Тэцуе Ямагамига айблов эълон қилинганди.