Ерни радиоалоқани ишдан чиқарадиган магнит бўронлари қоплайди

Қуёшда М синфидаги кучли чақнаш юз берди ва бу Ерда магнит бўронлари кузатилишига олиб келади. Бу ҳақда «Interesting Engineering» хабар берди.

Фото: «CCO»

Маълум қилинишича, чақнаш натижасида Ерга жуда кўп миқдордаги қуёш зарралари тушади, улар магнитосфера билан тўқнашгандан сўнг, G2 ёки G3 синфидаги геомагнит бўронини келтириб чиқаради. NASA прогнозига кўра, қуёш зарралари Ерга 19 июль куни етиб боради ва ўртача қувватли геомагнит бўронига олиб келади, бу жараён 20 ва 21 июлда ҳам давом этиши мумкин.

Қуёшдаги барча чақнашлар бешта синфга бўлинади ва улар A, B, C, M ва X деб номланади. Х синфидаги чақнашлар Ер учун энг кучли ва энг хавфли ҳисобланади. Лекин М синфидаги чақнаш ҳам Х тоифадан қолишмайди. Геомагнит бўронлар ҳам 5 синфга эга бўлиб, бўронларнинг иккинчи ва учинчи синфлари ўртача даражага тўғри келади.

Аммо геомагнит бўронларнинг ўртача синфи ҳам Ердаги GPS тизимлари ва радиоалоқа ишида жиддий бузилишларга олиб келиши мумкин. Бу электроника ва ердаги энергия тизимларида ҳам носозликни келтириб чиқаради.

Магнит бўрони инсон организмига қандай таъсир қилиши мумкин?

Магнит бўрони кексалар, об-ҳавога сезгир бўлганлар, ҳомиладор аёллар ва сурункали касалликларга чалинганларга кучли таъсир қилади. Магнит бўрони салбий таъсирининг энг кенг тарқалган кўринишлари қуйидагилар:

  • бош айланиши ва бош оғриғи;
  • уйқу бузилиши;
  • диққатни жамлаш билан боғлиқ муаммолар;
  • қон босимининг бузилиши;
  • сурункали касалликларнинг кучайиши;
  • тана оғриғи, шунингдек, бўғимлардаги оғриқлар;
  • иштаҳа бузилиши ва кўнгил айниши;
  • ҳолсизлик ҳисси.

Мутахассислар бу кунда инсон саломатлигидаги ўзгаришга қарши курашиш учун қуйидагиларга амал қилишни сўраган:

  • ёғли, аччиқ овқатлар истеъмол қилмаслик;
  • спиртли, энергетик ичимлик ва қаҳва ичишни чеклаш, бундай ичимликларни кўк чой билан алмаштириш;
  • кечқурун контрастли душ қабул қилиш;
  • бир хил вақтда ухлаш;
  • камроқ асабийлашиш;
  • очиқ ҳавода кўпроқ вақт ўтказиб, пиёда юриш.

Маълумот ўрнида, Ерни 17 июлда ҳам ўртача даражадаги магнит бўронлари қоплаганди.

Аввалроқ Қуёшда 3 соат юз берган кучли чақнаш намойиш қилинганди. Шунингдек, Қуёшда 40 га яқин кучли чақнаш қайд этилганди.

Оиласи билан хайрлашаётган астронавт аёл, шаҳар ўртасидаги улкан мушук, автомобиль йўлига ўтириб олган намойишчи — бугун суратлари
Жамият23:52 | 6.10.22
Оиласи билан хайрлашаётган астронавт аёл, шаҳар ўртасидаги улкан мушук, автомобиль йўлига ўтириб олган намойишчи — бугун суратлари
«Uztelecom Starlink’дан кўра 4-5 баробар арзон ва тез интернетни исталган хонадонга олиб бориши мумкин» — Шерзод Шерматов
Жамият, Тошкент ш.23:13 | 6.10.22
«Uztelecom Starlink’дан кўра 4-5 баробар арзон ва тез интернетни исталган хонадонга олиб бориши мумкин» — Шерзод Шерматов
Россия Беларусга импорт ўрнини босиш учун 1,5 млрд доллар ажратди
Жаҳон22:51 | 6.10.22
Россия Беларусга импорт ўрнини босиш учун 1,5 млрд доллар ажратди
Қашқадарёда туман электр тармоқлари корхонаси ходими ток уриши оқибатида вафот этди
Жамият22:35 | 6.10.22
Қашқадарёда туман электр тармоқлари корхонаси ходими ток уриши оқибатида вафот этди
«Сафарбарликдан қочаётган россияликлар Европадан бошпана сўрашга ҳақли» — Meduza
Жаҳон22:04 | 6.10.22
«Сафарбарликдан қочаётган россияликлар Европадан бошпана сўрашга ҳақли» — Meduza
Гулнора Каримовага тегишли бўлган «Сижжак» дам олиш маскани қайта сотувга қўйилди
Жамият21:44 | 6.10.22
Гулнора Каримовага тегишли бўлган «Сижжак» дам олиш маскани қайта сотувга қўйилди