Буюк Британияда жазирама иссиқлик 32 йиллик рекордни янгилади. Бу ҳақда «Independent» хабар берди.
Маълум қилинишича, Уэльснинг айрим ҳудудларида ҳаво ҳарорати биринчи марта Цельсий бўйича 37,1 даражага етган. Аввалги рекорд 1990 йилда ўрнатилган ва ҳарорат 35,2 даражани қайд этган. Бироқ синоптиклар жазираманинг энг юқори чўққиси 18 ва 19 июль кунлари кузатилишини маълум қилган.
Шу тариқа, Британия оролларида ҳаво ҳарорати 40 даражагача кўтарилиши мумкин. Мамлакатда ҳаво ҳароратининг юқори бўлиши муносабати билан фавқулодда ҳолат эълон қилинган. Расмийлар одамларни жамоат транспортидан фақат керак бўлганда фойдаланишга чақирган. Аҳолига жисмоний фаолиятдан қочиш, сояда қолиш ва кўп суюқлик ичиш тавсия этилади.
Эслатиб ўтамиз, аввалроқ Испанияда жазирама иссиқдан салкам 240 нафар одам вафот этганди. Шунингдек, Туркманистонда юзлаб одам жазирама сабабли касалхонага ётқизилаётганди.
