Хитой Ташқи ишлар вазири Ван И Россиянинг Украинага қарши уруши ҳақида баёнот бериб, Пекин четда турмаганини, аммо оловга мой сепмаслигини айтди. Тегишли баёнот мамлакат ташқи ишлар вазирлиги сайтида эълон қилинди.

Дипломатнинг сўзларига кўра, Украина инқирози нафақат Европага, балки бутун дунёга салбий таъсирга кўрсатди.

«Хитой Украина инқирозининг тарафида эмас, лекин биз четда турмадик ва оловга мой қуймаймиз. Доимо тинчлик музокаралари тарафдори бўлиб келганмиз. Барча томонлар Украина инқирозидан жиддий сабоқ олиши керак. Узоқ муддатли манфаатлар учун томонлар барқарор тинчлик ва хавфсизликка эришиш учун мувозанатли, самарали ва барқарор Европа хавфсизлик архитектурасини яратиш имкониятини ўрганиши керак», — деган Ван И.

Аввалроқ Хитой Украинадаги урушни ҳал қилишга ёрдам беришини таъкидлаганди. Шунингдек, Хитой раиси Украинадаги урушга муносабат билдирганди.