Зеленский Украинанинг ЕИга қўшилиш муддатини белгилади

Украина президенти Владимир Зеленский мамлакатнинг Европа Иттифоқига қўшилиши учун ички муддатни белгилади. Бу ҳақда ташқи ишлар вазири Дмитрий Кулеба «Forbes»га хабар берди.

Фото: Instagram / @zelenskiy_official

Дипломатнинг сўзларига кўра, ушбу муддат ҳали оммага ошкор қилинмаган. «Бизда ҳукумат эмас, президент Зеленский Украинанинг ЕИга кириши учун ички муддатни шахсан ўзи белгилаб қўйган. Лекин мен сизга айтмайман», — деган Кулеба.

Унинг қайд этишича, давлат раҳбари томонидан белгиланган муддат Европа Иттифоқи вакилларини қўрқитиши мумкин, шунинг учун улар ҳозирча оммага эълон қилинмаган. Сиёсатчи муддатнинг очиқланиши Европа Иттифоқига аъзолик жараёнинг секинлашишига ҳам олиб келишини айтган.

«Ҳатто биз барча стандартларга 120 фоиз риоя қилиб, барча кўрсатмаларни амалга оширсак ҳам, жараён барибир секинлашади. Биз ҳамма нарсани хотиржам, оқилона ва натижа учун қилишимиз керак», — деган украиналик дипломат.

Шу билан бирга, у номзод мақомини олиш тажрибаси Украина бунга қодир эканини кўрсатишини таъкидлаган. Кулеба қўшилиш қарори фақат Украинага эмас, Европа Иттифоқига ҳам боғлиқлигини айтган.

Аввалроқ Зеленскийнинг рафиқаси урушда оиласи нималарга дуч келганини айтганди. Шунингдек, Зеленскийда йил охиригача Украинани озод қилиш режаси борлиги маълум қилинган.

Сочини олаётган аёл, мамлакатни тарк этаётган россияликлар, маликага гул бераётган болакай — бугун суратлари
Жамият23:57 | 28.9.22
Сочини олаётган аёл, мамлакатни тарк этаётган россияликлар, маликага гул бераётган болакай — бугун суратлари
Зеленский босиб олинган ҳудудлардаги референдумлар натижасига изоҳ берди
Жаҳон23:04 | 28.9.22
Зеленский босиб олинган ҳудудлардаги референдумлар натижасига изоҳ берди
Шавкат Мирзиёев темир йўл ва авиацияни ривожлантириш бўйича кўрсатмалар берди
Жамият22:06 | 28.9.22
Шавкат Мирзиёев темир йўл ва авиацияни ривожлантириш бўйича кўрсатмалар берди
Ўзбекистонда Ҳаж ва Умра зиёратлари нархи арзонлашиши мумкин
Жамият21:33 | 28.9.22
Ўзбекистонда Ҳаж ва Умра зиёратлари нархи арзонлашиши мумкин
Бугун оқшоми. Ҳокимларга танбеҳ берган Умурзоқов, робот томонидан ўтказилган илк жарроҳлик амалиёти, фуқарони калтаклаган ИИБ ходимлари
Жамият21:02 | 28.9.22
Бугун оқшоми. Ҳокимларга танбеҳ берган Умурзоқов, робот томонидан ўтказилган илк жарроҳлик амалиёти, фуқарони калтаклаган ИИБ ходимлари
«Транспорт ва логистикани янги босқичга олиб чиқмасак, иқтисодиётнинг барқарор ривожини таъминлай олмаймиз» — Шавкат Мирзиёев
Жамият20:38 | 28.9.22
«Транспорт ва логистикани янги босқичга олиб чиқмасак, иқтисодиётнинг барқарор ривожини таъминлай олмаймиз» — Шавкат Мирзиёев