Қашқадарё вилоятидаги «Умакай» постида ҳайдовчи истеъмолга яроқсиз салкам 1 тонна гўшт олиб кетаётгани аниқланди. Бу ҳақда вилоят Ички ишалар бошқармаси ахборот хизмати хабар берди.

Маълум қилинишича, «Умакай» йўл-патруль хизмати масканида «Nexia» автомобили текшириш учун тўхтатилган. Қайд этилишича, ҳайдовчи салкам бир тонна гўштни Тошкентга олиб кетаётган бўлган.

Машинада бўлган гўшт текширилганда унинг истеъмолга яроқсиз экани аниқланган. Эркак, шунингдек, гўшт ўзининг чорва молига тегишли эканини ҳамда у маҳсулотни Тошкентдаги бозорорда сотиш учун олиб кетаётганини айтган. Яроқсиз гўшт тегишли тартибда йўқ қилинган.

Аввалроқ Тошкентга келиб чиқиши номаълум 250 килограмм гўшт олиб кетаётган ҳайдовчи қўлга олингани ҳақида хабар берилганди.