АҚШ президенти Жо Байден коронавирусга чалинди
Давлат раҳбарида касалликнинг енгил аломатлари кузатилмоқда
АҚШ президенти Жо Байден коронавирусга чалингани маълум қилинди. Бу ҳақда Оқ уй матбуот хизмати хабар берди.
Қайд этилишича, АҚШ президенти Жо Байденнинг 21 июль куни эрталаб коронавирус учун топширган тести ижобий натижа кўрсатган ва унда енгил аломатлар кузатилмоқда. Президент Оқ уйда изоляцияда бўлиб, ўз вазифаларини бажаришда давом этади.
Қўшимча қилишича, 79 ёшли президент тўлиқ эмланган ва иккита бустер доза ҳам олган. Президент маъмуриятнинг бошқа ходимлари билан телефон орқали мулоқот қилади, у ковидга қарши салбий натижали тестдан ўтмагунча барча режалаштирилган тадбирларда масофадан туриб қатнашади.
Аввалроқ Буюк Британия қироличаси Елизавета II коронавирусга чалингани маълум қилинганди. Шунингдек, Покистон президенти Ариф Алви вакцинанинг биринчи дозаси билан эмланганидан сўнг коронавирусга чалингани хабар берилганди.
