15:02 | 21.07.22 113
Британия бош вазири лавозимига икки номзод курашмоқда
Сайловнинг финал босқичига ўтганлар эълон қилинди
Буюк Британияда 20 июль куни бош вазир лавозими учун овоз беришнинг бешинчи ва якуний босқичи бўлиб ўтди. Бу ҳақда «Sky News» хабар берди.
Мазкур турда бош вазир лавозими учун икки номзод етакчилик қилган. Бу сафарги сайловда Пенни Мордаунт кам овоз тўплаган. Сайлов босқичи якунида овозлар қуйидагича тақсимланган:
- собиқ молия вазири Риши Сунак – 137 овоз;
- ташқи ишлар вазири Лиз Трусс — 113 овоз;
- собиқ мудофаа вазири Пенни Мордонт — 105 овоз.
Сайловнинг финал турида ғолибни Консерваторлар партиясининг барча аъзолари танлайди, уларнинг сони ҳозирда деярли 200 мингга етган. Овоз бериш почта орқали ўтказилади ва натижалар 5 сентябр куни эълон қилинади. Бу давр мобайнида Сунак ва Трусс сайловолди ташвиқотини олиб боради.
