Ўзбекистонда тўққиз мингга яқин дўкон, киоска, ларёк ва павильонлар каби бошқа савдо объектларида ўрганиш ишлари олиб борилди. Бу ҳақда Истеъмолчилар ҳуқуқларини ҳимоя қилиш агентлиги ахборот хизмати хабар берди.

Маълум қилинишича, савдо шохобчаларида олиб борилган текшириш ишлари давомида чакана савдо қоидалари талабларининг бузилиш ҳолатлари кузатилган. Қуйида аниқланга 1033 та қоидабузарликлар тўғрисида батафсил маълумот берилган:

• 764 та ҳолатда озиқ-оқат маҳсулотларини қуёш тиғида сақланган;
• 103 та ҳолатда бошқа озиқ-овқат маҳсулотлари тартибсиз ва нотекис жойлаштирилган;
• 50 та махсус жиҳозланмаган савдо расталарида гўшт ва гўшт маҳсулотлари, сут ва сут маҳсулотлари сотилаётгани маълум бўлди.
• 58 та ҳолатда (ювиш воситалари, нон, ун ва бошқа ун маҳсулотлари) ёнма-ён жойлаштириш қоидалари бузилган;
• 45 та ҳолатда тухум маҳсулотлари юқори ҳароратда, қуёш тиғида сотилган.

Аввалроқ Андижонда 37 киши савдо шохобчасидаги маҳсулотлар сабаб заҳарлангани ҳамда ҳолат юзасидан жиноят иши қўзғатилгани ҳақида хабар берилганди.