Тошкент вилоятида Суриядаги жангариларга қўшилишни режа қилган 8 нафар йигит ушланди

Тошкент вилоятида «жиҳодчилар» террористик оқими аъзолари қўлга олинди. Бу ҳақда вилоят ИИББ ахборот хизмати хабар берди.

Фото: Тошкент вилояти ИИББ

Маълум қилинишича, Тошкент вилояти ИИББ ҳамда ДХХ вилоят бошқармаси ходимлари томонидан вилоят ҳудудида диний муҳитни соғломлаштиришга қаратилган ҳамкорликдаги тезкор профилактик тадбирлар мунтазам ташкил этиб келинмоқда.

Жумладан, Тошкент туманида ўтказилган навбатдаги назорат тадбирлари давомида «Катибатул тавхид вал Жиҳод» террористик ташкилотнинг ғоявий таъсирига тушиб, уларнинг фаолиятини қўллаб-қувватлаб келган 8 нафар аъзоси қўлга олинган.

Аниқланишича, улар 22—25 ёшлардаги шахслар бўлиб, ўзаро келишган ҳолда, келгусида Сурия давлатига чиқиб «Катибатул тавхид вал Жиҳод» террористик ташкилоти жангарилари сафига қўшилишни режа қилган.

«Ҳозирда ҳолат юзасидан қўшимча суруштирув, тергов ҳаракатлари олиб борилмоқда», — дейилади хабарда.

Шунингдек, Паркент туманида Ўзбекистонда фаолияти тақиқланган экстремистик ва террористик оқим ғояларини тарғиб қилувчи турли диний мазмундаги материалларни тарқатиб келаётган ва Суриядаги жангарилар, «жиҳодчилар» террористик оқими сафига қўшилишни мақсад қилган йигит қўлга олинган.

Фото: Тошкент вилояти ИИББ

24 ёшли Ш.А. Телеграм мессенжеридаги профили орқали экстремистик ва террористик оқим ғояларини тарғиб қилувчи турли диний мазмундаги материалларни тарқатиб келаётгани аниқланган. У «жиҳод» қилиш ва Суриядаги жангарилар сафига қўшилиш мақсадида Туркия орқали Сурия давлатига чиқиб кетиши олдидан ушланган.

Ҳозирда ушбу шахсга нисбатан ва эҳтиёт чораси сифатида «қамоқ» танланиб, жиноят иши доирасида тергов ҳаракатлари олиб борилмоқда.

Аввалроқ ҳам ДХХ Қашқадарёда «Жиҳодчилар» оқимининг бир неча тарафдорларини қўлга олгани хабар қилинганди. Шунингдек, Самарқандда «Ҳизб ут-Таҳрир» ва «Жиҳодчилар» экстремистик оқимлари тарғибчилари ушланган.

Ўзбекистонда ҳар йили қанча қаттиқ маиший чиқинди ҳосил бўлаётгани маълум қилинди
Жамият12:15 | 19.8.22
Ўзбекистонда ҳар йили қанча қаттиқ маиший чиқинди ҳосил бўлаётгани маълум қилинди
Бразилия президенти қамалиши мумкин
Жаҳон12:11 | 19.8.22
Бразилия президенти қамалиши мумкин
Россия ва Ўзбекистон хавфсизлик кенгаши котиблари музокара ўтказди
Жаҳон12:06 | 19.8.22
Россия ва Ўзбекистон хавфсизлик кенгаши котиблари музокара ўтказди
Ўзбекистонда дам олиш кунлари ҳаво ҳарорати салқин бўлади
Жамият12:05 | 19.8.22
Ўзбекистонда дам олиш кунлари ҳаво ҳарорати салқин бўлади
Йилига 500 мингта автомобиль: «UzAuto Motors» ишлаб чиқариш ҳажмини кескин оширади
Жамият11:30 | 19.8.22
Йилига 500 мингта автомобиль: «UzAuto Motors» ишлаб чиқариш ҳажмини кескин оширади
Путин ва Си Цзиньпин G20 саммитига боради
Жаҳон11:10 | 19.8.22
Путин ва Си Цзиньпин G20 саммитига боради