Ўзбекистоннинг тинчликсевар давлатлар рейтингидаги ўрни юқорилади
Мамлакат «Россия ва Евроосиё» гуруҳида энг катта яхшиланишни кўрсатган
Тинчликсевар мамлакатлар рейтинги — «Global Peace Index» 2022 йилги натижаларига кўра, Ўзбекистон 163 давлат орасида 86-ўринни эгаллади.
Ҳисоботга кўра, Ўзбекистон «Россия ва Евроосиё» гуруҳида энг катта яхшиланишни кўрсатган – 1,5 фоиз.
Қўшни мамлакатлар орасида Қозоғистон 97-ўринда (-29), Қирғизистон 91-ўринда (-21), Тожикистон 92-ўринда (+6), Туркманистон 104-ўринда (+5) жойлашган.
Энг тинчликсевар давлатлар деб Исландия, Янги Зеландия ва Ирландия топилган. Индекси энг паст бўлиб турган мамлакатлар: Афғонистон, Яман, Сурия, Россия ва Жанубий Судан.
Маълумот учун, жаҳон рейтингини тузишда ижтимоий бирдамлик даражаси, инсон ҳуқуқларига риоя қилиш, сиёсий ва иқтисодий барқарорлик, қамоқхоналардаги маҳбуслар сони, терроризм таҳдиди даражаси, мудофаа харажатлари ҳамда ҳарбий ҳаракатлар каби омиллар ҳисобга олинган.
Эслатиб ўтамиз, Ўзбекистон 2021 йилги мазкур рейтингда 90-ўринни эгаллаган ва ўртача тинчлик кўрсаткичига эга мамлакатлар гуруҳидан жой олганди.
