«Толибон» қўшни давлатлар билан чегара назоратини кучайтиради

«Толибон» ҳаракати Афғонистоннинг Эрон билан чегарадаги назорат пунктларини кучайтиради. Бу ҳақда «Taghrib News Agency» хабар берди.

Фото: «AP»

Маълум қилинишича, «Толибон» Эрон–Афғонистон чегарасидаги ҳарбий постларни реконструкция қилишни бошлаган. Мазкур ҳарбий штаблар тез орада ишга тушиши таъкидланган. Чегара пунктлари реконструкция қилингандан сўнг ҳаракат кучлари чегараларни қўриқлаш учун сафарбар этилади.

Ушбу ҳаракат кенг қамровли бўлиб, Афғонистоннинг қўшни давлатлар билан чегарадош барча нуқталарини қамраб олади. Эрон манбалари чегара назоратини кучайтириш хавфсизлик мақсадида қилинаётганини айтган.

Эслатиб ўтамиз, апрел ойида ИШИД террорчилик ташкилоти Тожикистон ва Ўзбекистонга ракета зарбалари берганини даъво қилган. Ҳар икки давлат бу даъволарни рад этган, бироқ БМТ ҳисоботчилари бундай ҳужумлар хавфи сақланиб қолиши ҳақида огоҳлантирмоқда.

Жумладан, Сурхондарёнинг Афғонистон билан чегарадош ҳудудига 5 июль куни снарядлар келиб тушганди. Маълум бўлишича, соат 16:20 атрофида Ўзбекистон билан чегарадош ҳудудда Афғонистон ҳудудидан учиб кетган деб тахмин қилинган бешта ракета қулаган. Снарядлар тушганда портлашлар содир бўлмаган, оқибатда ҳеч ким ҳалок бўлмаган, вайронагарчиликлар кузатилмаган.

«Толибон» Термизга отилган снарядлар бўйича изоҳ бериб, бу томонлар ўртасида ишончсизликни пайдо қилиш мақсадида қилинганини айтган. Шундан сўнг, «Толибон» Афғонистондан Ўзбекистонга снаряд учирган гуруҳ ушланганини намойиш қилган.

Ўз навбатида, «Толибон» ҳаракати етакчиси қўшни давлатларга мурожаат қилиб, Афғонистон ҳудудидан бошқа давлатларга таҳдид қилиш учун фойдаланишга йўл қўймаслигини айтган.

Ўзбекистондаги қурилиш институтлари Туркия университетлари билан ҳамкорлик қилади
Жамият22:02 | 27.9.22
Ўзбекистондаги қурилиш институтлари Туркия университетлари билан ҳамкорлик қилади
Сурхондарё ҳокими Тўра Боболовга жарима қўлланилиб, бир қатор туман ҳокимлари ишдан олинди
Жамият21:39 | 27.9.22
Сурхондарё ҳокими Тўра Боболовга жарима қўлланилиб, бир қатор туман ҳокимлари ишдан олинди
Бугун оқшоми. Кесиб ташланган чинорлар, ядро қуроли билан таҳдид қилган Медведев, 27,5 минг вольтли ток уришидан омон қолган бола
Жамият21:00 | 27.9.22
Бугун оқшоми. Кесиб ташланган чинорлар, ядро қуроли билан таҳдид қилган Медведев, 27,5 минг вольтли ток уришидан омон қолган бола
Ўзбекистонда пахта теримида мажбурий меҳнатга йўл қўйган ҳокимлар жиноий жавобгарликка тортилади
Жамият20:54 | 27.9.22
Ўзбекистонда пахта теримида мажбурий меҳнатга йўл қўйган ҳокимлар жиноий жавобгарликка тортилади
Қашқадарёда канал ёнидан 15 ёшли боланинг жасади топилди
Жамият20:13 | 27.9.22
Қашқадарёда канал ёнидан 15 ёшли боланинг жасади топилди
Эрондаги намойишларда 40 дан ортиқ киши ҳалок бўлди
Жаҳон19:23 | 27.9.22
Эрондаги намойишларда 40 дан ортиқ киши ҳалок бўлди