Тошкент вилояти Зангиота туманида трансформатор ёниб кетди. Бу ҳақда Фавқулодда вазиятлар вазирлиги ахборот хизмати хабар берди.

Маълум қилинишича, 26 июль куни соат 16:05 да Тошкент вилояти Зангиота тумани Эшонгузар қўрғони Тошкент халқа автомобиль йўли четида жойлашган трансформаторда ёнғин содир бўлаётганлиги тўғрисида вилоят ФВБга хабар келиб тушган.

Сўнг 5 та ёнғин-қутқарув экипажи соат 16:13 да воқеа жойига етиб борган, трансформатор ҳудудий электр тармоқлари корхонаси мутахассислари томонидан электр тармоғидан узилгандан сўнг ёнғин соат 16:21 да тўлиқ бартараф этилган.

Таъкидланишича, ёнғин натижасида ён-атрофдаги бино иншоотларга зарар етмаган. Ҳодиса оқибатида тан жарохати олган ва ҳалок бўлганлар йўқ. Ҳозирда ёнғин сабаби ва келтирилган зарар миқдори аниқланмоқда.

Аввалроқ ижтимоий тармоқларда Абу-Сахий бозори рўпарасидаги дўкон ёнаётгани айтилган видеолар тарқалганди.