Ўзбекистон Россиянинг «Путешествуй!» номли форумининг давлат ҳамкори бўлди

Москвада 4-7 август кунлари ВДНХ Саноат майдонида бўлиб ўтадиган «Путешествуй!» Халқаро туристик форумида Ўзбекистон ҳамкор мамлакат сифатида иштирок этади. Бу воқелик замонавий туризм саноатининг барча турларига бағишланган янги авлод тадбиридир.

Фото: «Bugun.uz»

«Биз форум ташкилотчилари сифатида бу йил Ўзбекистон ҳамкор давлат эканлигидан фахрланамиз. Бу бой тарихга ва қадимий меъморий обидаларга эга мамлакатдир. Сўнгги йилларда кўплаб россияликлар ушбу сайёҳлик йўналишини кашф қилмоқдалар ва бу йўналиш тобора оммалашиб бормоқда. Форум меҳмонлари Ўзбекистоннинг диққатга сазовор жойлари, сайёҳлик йўналишлари, инфратузилмаси билан танишишлари, шунингдек, Тошкентнинг энг яхши ошпазлари томонидан тайёрланган паловдан татиб кўришлари мумкин», —дея хабар беради Росконгресс жамғармаси директори ўринбосари Владимир Затинайко.

Тадбир Росконгресс жамғармаси томонидан ташкил этилган бўлиб, ҳамкор ташкилотчилар Туризм федерал агентлиги (Ростуризм) ва ВДНХ ҳисобланади. Форум Рус География Жамияти ва Россия Туроператорлари Ассоциацияси (АТОР) кўмагида бўлиб ўтади. Форумда Туризм ва маданий мерос вазирлиги, «Миллий ПР-маркази» ДУК, «Uzbekistan Airways» Миллий авиакомпанияси, «ЎЗШАРОБСАНОАТ» АЖ вакилларидан иборат Ўзбекистон делегацияси туризм соҳасидаги тадбиркорлик субъектлари ва ҳунармандлар билан биргаликда, бир вақтнинг ўзида иккита стендни тақдим этади: бизнес-стенд ҳамда мамлакатимизнинг туризм салоҳияти ва маданиятига бағишланган стенд.

Бизнес-стенд 55-павильонда жойлаштирилиб, унда мамлакатимизнинг янги манзиллари ва сайёҳлик йўналишлари намойиш этилади. Шунингдек, «Ипак йўли» Халқаро туризм университети вакиллари туризм соҳасида таълим олиш имкониятлари ҳақида сўз юритадилар. Ўз навбатида, Ўзбекистоннинг туризм салоҳияти ва маданиятига бағишланган стенд 55-павильонга туташ ҳудудда жойлаштирилади.

Бу ерда Ўзбекистон делегацияси томонидан ҳунармандларнинг ишлари, ўзбек миллий таомлари, сайёҳликнинг турли кўринишлари ҳақида маълумотлар тақдим этилади, шу билан бирга, Ўзбекистонда ишлаб чиқарилган шароблар дегустацияси (татиб кўриш маросими) ва ҳунармандчилик буюмларини тайёрлаш бўйича маҳорат дарслари ташкил этилади. Шунингдек, форум доирасида Россия Федерацияси давлат ташкилотлари вакиллари билан музокаралар ўтказиш, Россия туризм саноати субъектлари билан B2B форматида учрашувлар ташкил этиш ҳамда ялпи муҳокама ва конференцияларда иштирок этиш режалаштирилмоқда.

Ўзбекистонда «Табиат ҳимоячиси» кўкрак нишони таъсис этилди
Жамият19:17 | 10.8.22
Ўзбекистонда «Табиат ҳимоячиси» кўкрак нишони таъсис этилди
Тожикистон ҳарбийлари Ўзбекистон олий ҳарбий таълим муассасаларида ўқитилади
Жаҳон19:01 | 10.8.22
Тожикистон ҳарбийлари Ўзбекистон олий ҳарбий таълим муассасаларида ўқитилади
Тошкентда «Нархоз»га ўқишга киритиб қўйиш учун 3 минг доллар олган кабинет мудири ушланди
Жамият18:40 | 10.8.22
Тошкентда «Нархоз»га ўқишга киритиб қўйиш учун 3 минг доллар олган кабинет мудири ушланди
Шахмат олимпиадаси ғолибларига қандай давлат мукофотлари берилиши маълум бўлди
Жамият18:18 | 10.8.22
Шахмат олимпиадаси ғолибларига қандай давлат мукофотлари берилиши маълум бўлди
Бахтиёр Исломов Ўзбекистон Олий суди раиси лавозимига сайланди
Жамият17:53 | 10.8.22
Бахтиёр Исломов Ўзбекистон Олий суди раиси лавозимига сайланди
«Ҳиндистонда ғолиб бўлган шахматчиларимизни давлат мукофотлари билан тақдирлаймиз» — Шавкат Мирзиёев
Жамият17:24 | 10.8.22
«Ҳиндистонда ғолиб бўлган шахматчиларимизни давлат мукофотлари билан тақдирлаймиз» — Шавкат Мирзиёев