Ўзбекистоннинг қишлоқ ва шаҳарларида яшовчи аҳоли сони маълум бўлди
Статистика қўмитаси демографик кўрсаткичларни эълон қилди
Давлат статистика қўмитаси 2022 йилнинг 1 июль ҳолатига кўра, Ўзбекистоннинг демографик кўрсаткичларига оид маълумотларни эълон қилди.
Унга кўра, республиканинг доимий аҳолиси 35,6 миллион кишини ташкил этмоқда. Уларнинг 17,7 миллиони аёллар бўлса, эркак сони бироз кўпроқ — 17,9 миллион.
Шунингдек, шаҳарда яшовчилар сони 18,1 миллион кишига етган бўлса, қишлоқда яшовчилар 17,5 миллион нафарни ташкил қилмоқда. Қуйида мос давр билан айрим демографик кўрсаткичлар келтирилган:
- туғилиш сони – 413,6 минг киши;
- ўлимлар сони – 80,9 минг киши;
- никоҳлар сони – 108,9 мингта;
- ажримлар сони – 24,6 мингта;
- кўчиб келган одамлар сони – 0,9 минг киши;
- кўчиб кетганлар сони – 1,4 минг киши.
Аввалроқ Ўзбекистонда 1 километр квадрат майдонга қанча аҳоли тўғри келиши, мамлакат аҳолиси кунига қанчага кўпаяётгани маълум қилинганди. Шунингдек, Ўзбекистон аҳолисининг ўртача умр кўриш ёши бўйича маълумот берилган.
