Ўзбекистон захирасида ковидга қарши қанча вакцина қолди?
ССВ ҳозиргача қанча вакцина қўлланилганини очиқлади
Соғлиқни сақлаш вазирлиги 29 июль ҳолатига кўра, Ўзбекистон захирасида коронавирусга қарши қачна вакцина қолдига оид маълумотларни эълон қилди.
Маълум қилинишича, айни пайтда Санитария-эпидемиологик осойишталик ва жамоат саломатлиги хизматининг вакцина сақлаш омборхоналарида 9,2 миллион доза коронавирусга қарши вакциналар захираси мавжуд.
Шу кунга қадар Ўзбекистонда жами 62 316 297 доза вакцина эмлаш жараёнларида қўлланилган.
Вазирликнинг 4 июлдаги маълумотларига кўра, мамлакатга олиб келинган ва Ўзбекистонда ишлаб чиқарилган вакциналар миқдори 71 750 853 дозани ташкил қилмоқда. Уларнинг қарийб 23 миллион дозаси COVAX дастури доирасида тақдим этилган вакциналардир.
Эслатиб ўтамиз, июнь охирларида Тошкент шаҳрининг 12 та туманларида COVID-19 билан касалланган беморлар учун махсус поликлиникалар яна иш бошлаганди.
