Ўзбекистонда туғиш ёшидаги аёлларнинг ягона электрон базаси яратилади

Ўзбекистонда 2022 йил якунга қадар барча туғиш ёшидаги аёллларнинг ягона электрон базаси яратилади. Бу ҳақда Соғлиқни сақлаш вазирлиги матбуот хизмати хабар берди.

Фото: «Akusherstvo.uz»

Маълум қилинишича, шу йил якунига қадар мамлакатда 2,3 миллион нафар хотин-қиз бирламчи онкологик скрининг текширувидан, 18 ёшгача бўлган 11 миллион нафардан зиёд болалар эса педиатр, стоматолог, эндокринолог ва ортопед кўригидан ўтказилади.

Шунингдек, барча туғиш ёшидаги аёллларнинг ягона электрон базаси яратилади. 400 минг нафар ҳомиладор ва бола эмизувчи аёллар ҳамда 4 миллион нафар 3-15 ёшдаги ўғил-қизлар ёд препарати билан таъминланади.

Бундан ташқари, 2 миллион нафар 15-35 ёшгача туғиш ёшидаги аёллар темир ва фолий кислотаси препарати билан таъминланади. Спинал мушак атрофияси ташхиси қўйилган 75 нафар болага зарур дори воситалари етказиб берилади.

Вазирлик маълумотларига кўра, соғлиқни сақлаш тизимида ўтган 6 ойда 643 минг нафар хотин-қиз скрининг текширувларидан ўтказилиб, касалликлар аниқланган 3214 нафаридан 2983 нафари (93 фоизи) соғломлаштирилган. Шу билан бирга:

  • пренатал ультратовуш текширувидан ўтказилган 333,5 минг нафар бўлажак онанинг 7,9 минг нафарида ҳомиласида нуқсон ва акушерлик патологияси аниқланиб, зарур чоралар кўрилган;
  • Тошкент шаҳрининг барча туғуруқхоналарида чақалоқларда эшитиш нуқсонларини эрта аниқлашга қаратилган аудиоскрининг жорий этилган;
  • шу йил 1 июлдан бошлаб болалар, ҳомиладор ва бола эмизувчи аёлларни махсус профилактик дори-дармонлар, 3-15 ёшдаги болаларни ёд препарати билан бепул таъминлашга киришилган;
  • Республика «Она ва бола скрининги» маркази 38,4 миллион сўмлик гематологик анализаторлар, Нукус, Бухоро, Самарқанд, Фарғона «Она ва бола скрининги» марказлари эса 1,1 миллирд сўмлик рақамли микроскоплар ҳамда лаборатория ускуналари билан таъминланган.

Аввалроқ мамлакат аҳолисининг 20 миллионини болалар ва туғиш ёшидаги аёллар ташкил этиши тўғрисида хабар берилганди. Маълумотларга кўра, сўнгги олти йилда оналар ўлими интенсив кўрсаткичи 21 дан 15 га, гўдаклар ўлими 11 дан 8 га, шунингдек, сўнгги 5 йилда абортлар сони 7 мингтага камайган.

Сочини олаётган аёл, мамлакатни тарк этаётган россияликлар, маликага гул бераётган болакай — бугун суратлари
Жамият23:57 | 28.9.22
Сочини олаётган аёл, мамлакатни тарк этаётган россияликлар, маликага гул бераётган болакай — бугун суратлари
Зеленский босиб олинган ҳудудлардаги референдумлар натижасига изоҳ берди
Жаҳон23:04 | 28.9.22
Зеленский босиб олинган ҳудудлардаги референдумлар натижасига изоҳ берди
Шавкат Мирзиёев темир йўл ва авиацияни ривожлантириш бўйича кўрсатмалар берди
Жамият22:06 | 28.9.22
Шавкат Мирзиёев темир йўл ва авиацияни ривожлантириш бўйича кўрсатмалар берди
Ўзбекистонда Ҳаж ва Умра зиёратлари нархи арзонлашиши мумкин
Жамият21:33 | 28.9.22
Ўзбекистонда Ҳаж ва Умра зиёратлари нархи арзонлашиши мумкин
Бугун оқшоми. Ҳокимларга танбеҳ берган Умурзоқов, робот томонидан ўтказилган илк жарроҳлик амалиёти, фуқарони калтаклаган ИИБ ходимлари
Жамият21:02 | 28.9.22
Бугун оқшоми. Ҳокимларга танбеҳ берган Умурзоқов, робот томонидан ўтказилган илк жарроҳлик амалиёти, фуқарони калтаклаган ИИБ ходимлари
«Транспорт ва логистикани янги босқичга олиб чиқмасак, иқтисодиётнинг барқарор ривожини таъминлай олмаймиз» — Шавкат Мирзиёев
Жамият20:38 | 28.9.22
«Транспорт ва логистикани янги босқичга олиб чиқмасак, иқтисодиётнинг барқарор ривожини таъминлай олмаймиз» — Шавкат Мирзиёев