Бухорода «Lacetti»га бошқа автомобиль рақамини тақиб ҳаракатланган ҳайдовчи аниқланди — видео
У радарлардан «ҳимояланиш» мақсадида бу ишга қўл урган
Бухорода «Lacetti» автомобилига бошқа транспорт воситасининг давлат рақами белгисини тақиб олиб, ҳаракатланган ҳайдовчига чора кўрилди. Бу ҳақда ЙҲХХ ахборот хизмати хабар берди.
Маълум қилинишича, 27 июль куни Бухоро вилояти ИИБ Жамоат хавфсизлиги хизмати Йўл ҳаракати хавфсизлиги бошқармаси ЙПХ инспекторлари томонидан Ғиждувон тумани Юсуф Ҳамадоний кўчасида хизмат олиб бориш вақтида «Lacetti» русумли транспорт воситаси тўхтатиб, текширилган. Текширув давомида мазкур транспорт воситасига тақилган давлат рақами белгиси аслида «ВАЗ-21011» автомобилига тегишли экани аниқланган.
Ҳолат юзасидан тегишли маъмурий баённома расмийлаштирилиб, автомобиль жарима майдончасига жойлаштирилган.
Лавҳада таъкидланишича, ҳайдовчи йўлларга ўрнатилган радарлардан давлат рақами белгисини ноқонуний ўзгартириш билан қутилиб қолмоқчи бўлган.
Бундан олдин Жиззахда аёл ҳайдовчи «Nexia-3» рақамини қоғоз билан беркитиб ҳаракатлангани, Сурхондарёда давлат рақами бўлмаган автомобилни бошқарган ИИБ ходимига чора кўрилгани тўғрисида хабар берилганди.
