Давлатларнинг уй-жой нархи бўйича рейтинги эълон қилинди
Ўзбекистоннинг ундаги ўрни маълум бўлди
Numbeo таҳлилий хизмати энг арзон ва қиммат уй-жойга эга давлатлар рейтингини тузди. Ўзбекистоннинг ундаги ўрни маълум бўлди.
Рейтингда юқори поғонани эгаллаган давлатларда турар-жой нархи қиммат, қуйи ўриндаги мамлакатларда эса нарх арзон ҳисобланади. Рўйхатдан жами 105 та давлат ўрин олган бўлиб, тадқиқотда шаҳар марказидаги уй-жойнинг ўртача нархи инобатга олинган. Шу тариқа, рейтинда Ўзбекистон 91-ўринни қайд этган, шаҳар марказидаги уй-жойнинг бир квадрат метри ўртача 1101,80 долларга баҳоланган.
Квадрат метри энг қиммат бўлган бешта давлат эса қуйидагилар:
- Гонконг – 31 490,9 доллар;
- Сингапур – 19 703,25 доллар;
- Жанубий Корея – 15 244,45 доллар;
- Швейцария — 12 828,88 доллар;
- Хитой – 10 874,5 доллар.
Турар-жой арзон бўлган бешта мамлакат қуйидагилар:
- Бангладеш – 832,35 доллар;
- Венесуэла — 742,30 доллар;
- Тунис – 737,43 доллар;
- Миср – 636,11 доллар;
- Покистон – 516 доллар.
Аввалроқ Ўзбекистоннинг хавфсиз давлатлар рейтингидаги ўрни маълум бўлганди. Шунингдек, «Mercer» консалтинг компанияси чет элликлар учун 2022 йилда яшаш нархи бўйича энг арзон ва қиммат бўлган шаҳарлар рейтингини тузган.
