Дунёнинг яна бир давлатида маймунчечакдан ўлим қайд этилди
Ҳиндистоннинг Керала штатида маймунчечакка чалинган бемор касалликдан вафот этди. Бу ҳақда «The Indian Express» хабар берди.
Маълум қилинишича, марҳум йигит Бирлашган Араб Амирликларида бўлиб қайтган. Унда касаллик аломатлари кузатилмаган.
«Йигитда маймунчечакнинг симптомлари қайд этилмаган. У энцефалит (миянинг яллиғланиши) ва чарчоқ аломатлари билан касалхонага ётқизилган. Марҳумнинг қариндошлари у вафот этган куни тест топширган. Текширув маймунчечакдан ўлим даражаси жуда пастлиги сабабли ўтказилган», дейилган Керала соғлиқни сақлаш бошқармаси хабарида.
Таъкидланишича, йигит маймунчечакдан вафор этганларни дафн қилиш қоидаларига мувофиқ кўмилган. У алоқада бўлган шахслар эса кузатилмоқда.
Аввалроқ Европада маймунчечакдан илк ўлим қайд этилганди. Бунгача касалликдан АФрикада ўлим ҳолати кузатилган. Шунингдек, маймунчечак ва ковидга бир вақтда чалиниш ҳолати аниқланган.
