«Ўзбекнефтгаз»: Нефть ва газ табиий бойликларини талон-торож қилиниши олди олинди

«Ўзбекнефтгаз» АЖ Бошқарув раиси Меҳриддин Абдуллаевнинг топшириғи билан мамлакатнинг миллий бойлиги ҳисобланган нефть ва конденсат маҳсулотларини талон-торожлик йўли билан қўлга киритиш ҳаракатида бўлган шахсларга қарши курашишда, уларнинг ноқонуний қилмишларини олдини олишда тизимли ишлар олиб борилмоқда.

«Ўзбекнефтгаз» АЖ алоқа каналлари орқали келиб тушаётган хабарлар таҳлили натижасида 2022 йилнинг июль ойида Молиявий ва комплаенс назорати департаменти томонидан «Гиссарнефтгаз» ҚК МЧЖ тасарруфидаги конларда жойлашган нефть ва газконденсати қувурларига бегона шахслар томонидан талон-торожлик мақсадида ноқонуний уланишга ҳаракат қилиш ҳолатлари аниқланди.

Хусусан, олиб борилган ўрганишлар натижасида корхонанинг «Шакарбулоқ» конида маҳсулотини ўзлаштириш учун нефть қувурига қўлбола усулда ёғочдан ясалган қозиқ ўрнатилгани ҳамда «Шимолий Ғузор» кони ҳудудидан ўтган конденсат қувурига хомутлар ёрдамида уланган шланг ва вентиль мосламалари тайёрланиб қўйилгани маълум бўлди. Салбий ҳолатлар зудлик билан бартараф этилди ва ўғирликнинг олди олинди.Ҳолат юзасидан ўрнатилган тартибда ҳужжатлар расмийлаштирилиб, ҳуқуқий баҳо бериш ва қонуний чоралар кўриш мақсадида ҳуқуқни муҳофаза қилувчи идораларга тақдим этилди.

«Ўзбекнефтгаз» АЖнинг олис ҳудудларда жойлашган нефть ва газ конларида жазирама иссиқ ва қаҳратон совуқларда тинмай меҳнат қилаётган соҳа ишчи-ходимлари меҳнати самараси ўлароқ, қийинчиликлар билан қазиб олинаётган маҳсулотларни ғаразли ниятларда ўз манфаатлари йўлида ўзлаштиришга қаратилган қўш тирноқ ичидаги «уддаброн шахслар»нинг ҳаракатлари соҳанинг ривожланишига салбий таъсир қилмоқда.

Шу муносабат билан, «Ўзбекнефтгаз» АЖ раҳбарияти юртдошларимиздан юқорида келтирилган каби салбий ҳолатлар билан боғлиқ маълумотлар бўлган тақдирда Жамиятнинг алоқа каналлари орқали хабар беришларини сўрайди:

Ишонч телефони: +(99871) 233-28-88
Бизнинг почта манзилимиз: kans@ung.uz
Молиявий ва комплаенс назорат департаменти почта манзили: compliance@ung.uz
Telegram бот: @ung_anticorBot

Самарқандда 11,5 кг олтин кукунини ноқонуний сотишга уринган шахслар ушланди
Жамият, Самарқанд0:19 | 10.8.22
Самарқандда 11,5 кг олтин кукунини ноқонуний сотишга уринган шахслар ушланди
Тайван артиллерия иштирокида ҳарбий машқлар бошлади
Жаҳон0:18 | 10.8.22
Тайван артиллерия иштирокида ҳарбий машқлар бошлади
Хитой Тайванни ўраб, қамал қилиш машқларини бошлайди
Жаҳон0:16 | 10.8.22
Хитой Тайванни ўраб, қамал қилиш машқларини бошлайди
«Толибон» АҚШга маҳбус алмашишни таклиф қилди
Жаҳон0:15 | 10.8.22
«Толибон» АҚШга маҳбус алмашишни таклиф қилди
ДТМ 8 август кунги тест натижаларини эълон қилди
Жамият23:58 | 9.8.22
ДТМ 8 август кунги тест натижаларини эълон қилди
Жиззахда алимент қарздролигини ундиришга борган МИБ ходими пичоқланди
Жамият23:54 | 9.8.22
Жиззахда алимент қарздролигини ундиришга борган МИБ ходими пичоқланди