Тошкент шаҳри Ички ишлар бош бошқармаси Юнусобод туман ИИБ ходими, профилактика инспектори О.Х. қашқадарёлик 20 ёшли қизнинг номусига теккани айтилганди. Пойтахт ИИБ ахборот хизмати бу ёлғон ахборот эканини маълум қилди.

Номуси топталганини айтаётган қизнинг маълумот беришича, 2021 йилнинг август ойида ижарада бирга яшовчи қизлар уйда йўқ бўлган пайтда таниши, профилактика инспектори унинг ёнига келган.

Профилактика инспектори эса мурожаатчи қиз гапини рад этган. Унинг қўшимча қилишича, қизнинг дунёга келтириши кутилаётган фарзанди унга бегона.

ИИББ хабарига кўра, текширув якуни бўйича ҳолат тасдиқланмаганлиги ва О.Х.нинг ҳаракатларида жиноят аломатлари аниқланмагани сабабли жиноят иши қўзғатиш рад этилган.

Аввалроқ Сурхондарё вилояти Ички ишлар бошқармаси ижтимоий тармоқларда тарқалган, бир неча эркак ўқувчи қизнинг номусига теккани айтилган хабар юзасидан расмий муносабат билдирганди.