Ўзбекистон ва Тожикистон ҳарбийлари иштирокида ўқув машғулоти бошланди — фото

Сурхондарё вилояти Термиз шаҳрига 3 август куни Тожикистон ҳарбий делегацияси етиб келди. Бу ҳақда Мудофаа вазирлиги ахборот хизмати хабар берди.

Фото: Мудофаа вазирлиги ахборот хизмати

Маълум қилинишича, улар Термиз гарнизонидаги ҳарбий қисмга жойлашгандан сўнг биргаликдаги ўқувга бағишланган машғулотларга тайёргарлик кўриш мақсадида ўзбек ва тожик офицерлари иштирокида амалга ошириладиган ҳаракатлар режалари ўрганиб чиқилган.

Фото: Мудофаа вазирлиги ахборот хизмати

«Ҳамдўстлик–2022» биргаликдаги ўқувининг иккинчи куни, 4 августда эса тантанали очилиш маросими билан давом эттирилган. Жануби-ғарбий махсус ҳарбий округи қўмондони генерал-майор Зайнобиддин Иминов ҳамда Тожикистон Қуролли Кучлари Бош штаби бошлиғи ўринбосари, генерал-майор Эгамзод Шароф Худойберди очилиш маросимида сўзга чиққан.

Фото: Мудофаа вазирлиги ахборот хизмати

Шундан сўнг икки давлат мадҳияси остида Ўзбекистон ва Тожикистон Республикалари давлат байроқлари кўтарилган. «Ҳамдўстлик–2022» ўқувига жалб этилган ҳарбийлар ҳарбий оркестр садолари остида саф майдонидан ўтган.

Фото: Мудофаа вазирлиги ахборот хизмати

Тантанали очилиш маросимидан кейин Термиз умумқўшин дала-ўқув майдони ўқув нуқталарида ва тўсиқлар йўлакларида ўзбек ҳарбий хизматчилари томонидан кўргазмали машқлар бажарилган.

Фото: Мудофаа вазирлиги ахборот хизмати

Машқлар жараёнида ҳарбийларимиз яқин масофада жанг олиб бориш, ярадорларни эвакуация қилиш, шартли душман ҳужумини қайтариш каби амалий машғулотларда иштирок этишди. Ушбу машқларни кузатиш жараёнида тожикистонлик ҳарбийлар ҳам ўзларини синаб кўрган.

Эслатиб ўтамиз, 2021 йил 25 июнь куни Ўзбекистон мудофаа вазири Баҳодир Қурбонов куни ҳарбий ҳаво кучларининг тайёргарлигини текширгани ҳақида хабар берилганди. Вазир қирувчи самолётга чиқиб, ҳаво ҳужумидан ҳимоя, шартли объектга зарба бериш ва учиш-қўниш шайлигини кўздан кечирган.

Россияда ўзбекистонлик наркотик сотувчиси қўлга олинди
Жаҳон0:25 | 10.8.22
Россияда ўзбекистонлик наркотик сотувчиси қўлга олинди
«Толибон» мамлакатдаги тиланчиларни камайтириш йўлини маълум қилди
Жаҳон0:24 | 10.8.22
«Толибон» мамлакатдаги тиланчиларни камайтириш йўлини маълум қилди
Самарқандда 11,5 кг олтин кукунини ноқонуний сотишга уринган шахслар ушланди
Жамият, Самарқанд0:19 | 10.8.22
Самарқандда 11,5 кг олтин кукунини ноқонуний сотишга уринган шахслар ушланди
Тайван артиллерия иштирокида ҳарбий машқлар бошлади
Жаҳон0:18 | 10.8.22
Тайван артиллерия иштирокида ҳарбий машқлар бошлади
Хитой Тайванни ўраб, қамал қилиш машқларини бошлайди
Жаҳон0:16 | 10.8.22
Хитой Тайванни ўраб, қамал қилиш машқларини бошлайди
«Толибон» АҚШга маҳбус алмашишни таклиф қилди
Жаҳон0:15 | 10.8.22
«Толибон» АҚШга маҳбус алмашишни таклиф қилди